Foto: kff.kz
Qazaqstan quramasynyń bas bapkeri Magomed Adiev Reseige qaita oralý múmkindigin joqqa shyǵarmaidy, dep habarlaidy "Ult aqparat" Sports.kz -ke silteme jasap.
46 jastaǵy maman Qazaqstan quramasyn 2022 jyldyń sáýir aiynan beri basqaryp keledi. Buǵan deiin ol «Ahmat», «Anji» jáne basqa da reseilik klýbtarda jumys istegen.
21 naýryzda Qazaqstan quramasy Eýro-2024-ke qatysý úshin týrnirdiń jartylai finaldyq matchynda Grekiiamen oinaidy.
«Maǵan reseilik klýbtardan usynystar boldy. Biraq men tsikldi (Qazaqstan quramasymen) aiaqtaýym kerek, sol arqyly ári qarai sheshim qabyldaimyn. Men óz sózimnen qaitpaimyn: túiis oiyndaryna atsalysamyn.
Árine, jaqyn arada Reseige oralýym múmkin ekenin moiyndaimyn. Biraq bul meniń armanym dep aita almaimyn. Men qai kezde de naqty áreket etemin. Qazir Qazaqstan quramasynda barlyǵyna tolyq kóńilim tolady. Bul komanda maǵan kóp nárse berdi, men de olarǵa birdeńe berdim dep úmittenemin. Bar oiym aldaǵy oiyndarda», - dedi Adiev.
