Foto: fide.com
Norvegiialyq grossmeister Magnýs Karlsen Almatyda jedel shahmat boiynsha (rapid) ótip jatqan 2022 jylǵy álem chempionatyn jeńip aldy, dep habarlaidy QazAqparat.
Ol 13 týrdan 10 upai jinap, tai-breikke qatyspai-aq týrnirdiń jeńimpazy atandy.
Karlsen rapidten ótetin týrnirdi osymen 4-shi ret jeńip alyp otyr.
Ol Almatydaǵy baspasóz máslihaty barysynda óziniń jarystarǵa qalai daiyndalatynyn aityp bergen edi.
«Mende naqty anyqtalǵan strategiia joq. Men shahmat týraly oilaýdy eshqashan toqtatqan emespin. Bul menimen ómir súretin nárse. Men qalai oinaimyn, kimmen oinaimyn dep oilaimyn. Ne isteý kerek jáne ne istemeý kerektigi týraly kásipqoilar bólisetin jalpy keńester bar. Shahmat meni improvizatsiiaǵa jáne oilanýǵa jeteleidi», - dedi Magnýs Karlsen.
Shahmattan 2022 jylǵy álem chempionaty 25 jeltoqsanda bastaldy.
Jahandyq dodaǵa 50 eldiń úzdik 290 shahmatshysy qatysyp jatyr.
