Jyl saiyn dástúrge ainalǵan Tamyz konferentsiiasy – bilim salasyndaǵy jańalyqtardy jariialap, bilgenderin bólisýge arnalǵan alań.
Erteń bolatyn aýqymdy konferentsiiada bilim jáne ǵylym salasynda 2019 jyly qandai nátijelerge qol jetkizildi, qandai naqty jetistikter men josparlar bar, osy jóninde elimizdiń ár aimaqtaǵy ustazdary men pedagogtary bas qosady. Túrkistan oblysy boiynsha qatysyp jatqan M.Áýezov atyndaǵy Ońtústik Qazaqstan memlekettik ýniversitetiniń rektory Dariiakúl Qojamjarova erteń bolatyn Tamyz konferentsiiasy týraly óz oiymen bólisti.
"Búgin Tamyz konferentsiiasynyń alǵashqy plenarlyq jinalysy sapaly, jańa serpinde ótti. Sebebi, bul jerde eń bastysy jiyn joǵary oqý oryndarymen jáne ǵylymi uiymdarmen qatarlasyp júrgizildi. Basqosýda bilim salasyndaǵy tazalyq, sapaly bilim berý, oqý isi jónindegi jaýapkershilik pen shynaiylyqtyń oqý protsesine engizý máselesi qaraldy. Sonymen qatar, qazirge kezde oqý oryndarynyń kredittik tehnologiiaǵa ótkizilýi, onyń daiyndyq barysy men sapasyna bailanysty másele kóterildi", - dedi Dariiakúl Perneshqyzy.
Onyń aitýynsha, Tamyz konferentsiiasynyń aldyn ala ótken plenarlyq jiynynda tsifrlandyrý máselesi kóterilgen. Halyqaralyq jáne memlekettik arenada tsifrlandyrýdy bastaý, oǵan elimizdiń múmkindikterin keltirý týraly bilim jáne ekonomika, taǵy basqa saladaǵy vitse-ministrler sóz sóilep, óz oilaryn talqyǵa salǵan.
«Jiynda jalpy bilim berý mektepteri, joǵary oqý oryndary, ǵylymi uiymdar – osy úsheýiniń arasyndaǵy bailanys týraly sóz qozǵaldy. Sodan keiin joǵary oqý oryndaǵy qazir 4.0-den úlken kriteriii bar, bul kriterii jalpy keshendi damý baǵdarlamasy dep atalynady, iaǵni kez kelgen joǵary oqý oryndarynda óz ǵylymy men ǵalymyn ózderi sheshý máselesi aityldy. Sosyn eń úlken basty jańalyq, magistratýraǵa, doktorantýraǵa túsý kezeńindegi emtihandy UBT formasyna keltirý jáne ony halyqtyń sanasyna engizý jańalyq bolyp esepteldi», - dedi M.Áýezov atyndaǵy Ońtústik Qazaqstan memlekettik ýniversitetiniń rektory Dariiakúl Qojamjarova.
Aita keteiik, atalǵan ýniversitette byltyr stýdentter sany 1157 bolsa, biyl oqý ornynyń jańa filialdarynyń ashylýyna bailanysty stýdentter sany 2-3 esege kóbeiip, 3746-ǵa jetken. Bul Ózbekstan Respýblikasy, Tashkent qalasynan ókildiktiń ashylýyna bailanysty jáne elimizdegi Aqtaý men Qaraǵandy qalalaryndaǵy ókildikterdiń esebinen artyp otyr. Osyǵan orai, búgingi tańda sol qalalardaǵy bilim berý isindegi jańa baǵdarlamalarǵa sáikes, jańa mamandyqtardy qabyldap jatyr.
