Magistratýra dárejesi boiynsha memlekettik bilim granttaryna ie bolǵandardyń tizimi jariialandy, dep habarlaidy "Ult aqparat".
Grant ieleriniń tolyq tizimin QR Bilim jáne ǵylym ministrligi óz Telegram-kanalynda jariialady.
Eske salaiyq, buǵan deiin 2020-2021 oqý jylyna magistratýra boiynsha qai baǵytqa qansha grant bólingeni týraly habarlaǵan edik.
Atap aitqanda, pedagogika ǵylymdary boiynsha - 3 267, óner jáne gýmanitarlyq ǵylymdar boiynsha - 570, áleýmettik ǵylymdar, jýrnalistika jáne aqparat baǵyty boiynsha - 401, biznes basqarý jáne quqyq salasynda - 825, jaratylystaný, matematika, statistika baǵyttarynda - 963, aqparattyq-kommýnikatsiialyq tehnologiialar boiynsha - 1 170, injenerlik óńdeý jáne qurylys materialdy boiynsha - 2 250 , aýyl sharýashylyǵy jáne bioresýrstar boiynsha - 204, veterinariiada - 72, densaýlyq saqtaý baǵytynda - 115, qyzmet kórsetý salasy boiynsha 237 grant taǵaiyndaldy.
«Respýblikada eń joǵary konkýrs shet tili pedagogtaryn daiarlaý baǵyty boiynsha boldy. 150 baldyń 134 balmen ótti. Al eń tómengi konkýrs veterinariia baǵytynda oryn aldy. Bul baǵytta 72 grant taǵaiyndalǵan edi. Konkýrs nátijelerin Bilim jáne ǵylym ministrliginiń resmi saitynda jariialaimyz», - dedi búgin Úkimet úiindegi baspasóz máslihatynda QR BǴM Joǵary jáne joǵary oqý ornynan keiingi bilim berý departamentiniń direktory Ádilet Toibaev.
