Ionbendegi atom stantsiiasy. Soltústik Koreia, 2008 jyl.
Soltústik Koreia iadrolyq qarýǵa qajet plýtonii óndirý úshin Ionbendegi atomdyq synaq reaktoryn qaita iske qosqan bolýy múmkin. Bul jóninde Atom energetikasy jónindegi halyqaralyq agenttiktiń (MAGATE) jyldyq esebinde aitylǵan, dep habarlaidy Azattyq.
Phenian 2009 jyly halyqaralyq inspektorlardy shyǵaryp jibergeli beri MAGATE-niń Soltústik Koreiadaǵy iadrolyq áreketterdi tekserý múmkindigi joq. Qazir agenttik jaǵdaidy tek spýtnikten túsirilgen sýretter arqyly ǵana baqylap otyr.
"2018 jylǵy jeltoqsannyń basynan 2021 jylǵy shildeniń basyna deiin reaktor jumys istegeniniń eshqandai belgisi baiqalmaǵan. Al qazir reaktordyń jumysymen bailanysty salqyndatqysh sýdy syrtqa shyǵarý belgileri baiqalady" delingen MAGATE esebinde. Munda agenttik qýaty 5MVt bolatyn reaktormen ýran baiytý zaýyty týraly aityp otyr.
Reaktor qaita iske qosylýy múmkin degendi MAGATE maýsym aiynda aita bastaǵan. Wall Street Journal sóilesken sarapshylardyń aitýynsha, reaktor óńdelgen otynnan qarý jasaýǵa qajet plýtonii óndirýge qoldanylýy múmkin. MAGATE-niń jańa esebinde ýran kenishterinde, sondai-aq Phýnsandaǵy baiytý fabrikasynda da jumys bastalǵanynyń belgileri bar degen boljam aitylady.
- Iadrolyq baǵdarlamasyna bailanysty KHDR-ǵa aýqymdy halyqaralyq sanktsiialar salynǵan. Vashington Soltústik Koreia tolyq denýklearizatsiiadan ótpeiinshe, shekteýlerdi almaimyz dep otyr.
- 2018 jyly Pheniandaǵy sammitte bolǵan kelissózdiń jáne KHDR basshysy Kim Chen Yn men AQSh prezidenti Donald Tramptyń kezdesýinen soń Soltústik Koreia Ionbendegi reaktordy joiýǵa ýáde bergen.
- Iadrolyq energetika jónindegi sarapshylardyń aitýynsha, reaktorlar jumysyn qaita bastaýdan ony óndirýdiń sońǵy tsiklyna deiin birneshe jyl ótýi múmkin.
