Halyqaralyq atom energiiasy agenttigi (MAGATE) ony 10 jyl basqarǵan Iýkiia Amanonyń qazasyna bailanysty, bas direktordyń mindetin atqarýshy etip Kornel Ferýtseni taǵaiyndady, dep habarlaidy "Ult aqparat" agenttiktiń baspasóz qyzmetine silteme jasap.
«Bas direktor Iýkiia Amanonyń qazasyna bailanysty, agenttiktiń jumysyn toqtatpaý úshin Basqarýshylar keńesi Kornel Ferýtse myrzany bas direktor laýazymyna jańa basshy kelgenge deiin bas direktordyń mindetin atqarýshy etip taǵaiyndaýǵa qaýly qabyldady», - delingen málimdemede.
Eske sala keteiik, buǵan deiin «QazAqparat» HAA Halyqaralyq atom energiiasy agenttiginiń bas direktory Iýkiia Amano 72 jasynda ómirden ótkenin habarlaǵan bolatyn.
Amano MAGATE-niń bas direktory laýazymyna taǵaiyndalǵan alǵashqy aziialyq boldy. Ol osy laýazymdy 2021 jylǵa deiin atqarýy tiis edi.
