Áielin uryp óltirdi dep aiyptalyp jatqan eks-ministr Qýandyq Bishimbaevtyń sotynda marqum Saltanat Núkenova men qurbysy Aida Ahmedinanyń arasyndaǵy hat oqyldy. Sot zalynda hat fragmentterin Aidanyń ózi oqyp berdi.
Saltanat:
Endi ne isterimdi bilmeimin, men ketemin, al ol «albasty, men ol úshin bárin jasadym, al ol ketip qaldy, raqmeti joq, meni taptap ketti. Bulai jaidan-jai kete almaisyń» dep oilaityn bolady. Keide durys adam siiaqty júredi. Óz oiymnan adastym, onymen tura almaimyn, ózim jalǵyz bolǵym keledi. Bul emdelmeidi, mundai adamdar emdelmeidi. Olar psihologqa ózderiniń qandai kúshti ekenin, qalǵanynyń bári qandai aqymaq ekenin aitý úshin barady. Nazar men maqtaý estý úshin. Ekinshi ret ketkenim, sońǵy núkte. Qaityp oralýǵa bolmaidy. Men ony keshirmeiinshe ol bárin isteidi, al sosyn qaita qorlap, ósh alady. Biraq ol psihoterapiiadan ótti, Almatyǵa bardyq, eki aida psihologyna 10 myń dollar berdi, ol Tailandtan kelgen eken. Máskeýlikter. Biraq budan nátije joq. Eshteńe ózgermeidi. Ol maǵan uiqy bermeidi, ózi de túnde uiyqtamaidy. Túnde men múldem uiyqtamaimyn.
Aida:
Sen uiyqtaisyń, al ol qasyńda júre me?
Saltanat:
Oda únemi paranoidaldyq oilar. Menimen sóilesedi, birdeńe suraidy, ashýlanady, ony tyńdamasam aiqailaidy. Men oǵan eki kún boiy uiyqtamaǵanymdy, uiqym kelgenin túsindiremin. Ol: «Sen meni túk oilamaisyń, saǵan báribir» deidi. Shyn aitsam, ony aiaimyn. Onyń travmasy bar jáne ol aýrý. Men oǵan kómektesip kórdim, biraq bulai ózime ziian keltirip júrmin.
