QR Eńbek jáne halyqty áleýmettik qorǵaý ministri Mádina Ábilqasymova Almatyda ótken jiyn barysynda ózin ózi jumyspen qamtýshylarǵa arnalǵan biryńǵai jiyntyq tólem júiesin engizýdiń tiimdi tustaryn aitty, dep habarlaidy QazAqparat tilshisi.
«Biryńǵai jiyntyq tólem - salyqtyń jańa túri emes. Bul tórt salyq túri: jeke tabys, áleýmettik saqtandyrý qoryna, meditsinalyq saqtandyrý qoryna, zeinetaqy qoryna aýdarylatyn tólemderdi bir mezgilde tóleý tetigi bolyp tabylady. Buǵan Qazaqstan turǵyndarynyń barlyǵy mindetteledi. Biraq, ózin ózi jumyspen qamtýshylar eńbek kelisimsharty joq bolǵandyqtan, jeke kásipker retinde tirkelmegendikten halyqtyń biraz bóligi áleýmettik qamtý men saqtandyrý, zeinetaqymen qamtý júiesine enbei qaldy», - dedi ministr.
Ministr zań qabyldanǵan jaǵdaida biýdjetke túsetin shyǵyndardyń eseptelgenin aitty.
«Shartty túrde shyǵyn kólemi jylyna 2 mlrd teńgeniń kóleminde dep eseptelgen. 5 jylda 10 mlrd teńge shamasynda qarjy ketedi», - dedi ol.
Aita ketý kerek, Qazaqstanda ózin ózi jumyspen qamtyp otyrǵandardyń jumysyn zańdastyrý úshin arnaiy salyq rejimi - biryńǵai jinaq tólemin engizý qolǵa alynǵan.
2019 jyly bul tólem kólemi 1 AEK - 2525 teńge bolmaq.
