Mádeniet jáne aqparat ministrliginiń qyzmet baǵyty men erejeleri bekitildi

Foto: senate.parlam.kz

Premer-Ministr Álihan Smaiylov Mádeniet jáne aqparat ministrliginiń qyzmet baǵyty men erejelerin bekitýdi kózdeitin Úkimet qaýlysyna qol qoidy, dep habarlaidy Kazinform agenttigi.

«Mádeniet jáne aqparat ministrligi mádeniet, tarihi-mádeni mura obektilerin qorǵaý jáne paidalaný, kinematografiia, memlekettik rámizder, arhiv isi jáne basqarýdy qujattamalyq qamtamasyz etý, elektrondyq qujat ainalymy jáne elektrondyq arhivter, onomastika, kreativti indýstriialar jáne shyǵarmashylyq qyzmet nátijelerin kommertsiialandyrý, aqparat, memleket pen azamattyq qoǵamnyń ózara is-qimyly, dini qyzmet, memlekettik jastar jáne otbasy saiasaty, qoǵamdyq sanany jańǵyrtý, qaiyrymdylyq, volonterlik qyzmet, mediatsiia, ishki saiasi turaqtylyqty qamtamasyz etý, konfessiiaaralyq jáne etnosaralyq kelisim, aqparatqa qol jetkizý salalaryndaǵy basshylyqty, sondai-aq zańnamada kózdelgen shekterde salaaralyq úilestirýdi jáne memlekettik retteýdi júzege asyratyn Qazaqstan Respýblikasynyń memlekettik organy sanalady», – delingen Úkimet basshysy qol qoiǵan qaýlyda.

Qujatta kórsetilgendei, ministrliktiń quramyna myna vedomstvolar endi:

• Azamattyq qoǵam isteri komiteti;

• Aqparat komiteti;

• Arhiv, qujattama jáne kitap isi komiteti;

• Din isteri komiteti;

• Jastar jáne otbasy isteri komiteti;

• Mádeniet komiteti;

• Etnosaralyq qatynastardy damytý komiteti.

Sonymen qatar qaýlyǵa sai, Mádeniet jáne aqparat ministrliginiń mindetteri aiqyndaldy:

• mádeniet, sondai-aq halyqaralyq mádeni bailanystar;

• tarihi-mádeni mura obektilerin qorǵaý jáne paidalaný;

• kinematografiia;

• memlekettik rámizder;

• arhiv isi jáne basqarýdy qujattamalyq qamtamasyz etý;

• elektrondyq qujat ainalymy men elektrondyq arhivter, onyń ishinde taratylýy shektelgen qyzmettik aqparat jáne onymen jumys isteý;

• onomastika;

• kreativti indýstriialar jáne shyǵarmashylyq qyzmet nátijelerin kommertsiialandyrý;

• balalardy olardyń densaýlyǵyna jáne damýyna ziian keltiretin aqparattan qorǵaý;

• buqaralyq aqparat quraldary;

• dini qyzmet;

• memlekettik jastar jáne otbasy saiasaty;

• qoǵamdyq sanany jańǵyrtý;

• qaiyrymdylyq;

• volonterlik qyzmet;

• ishki saiasi turaqtylyqty, konfessiiaaralyq jáne etnosaralyq kelisimdi qamtamasyz etý;

• memlekettiń, azamattyq qoǵamnyń jáne qoǵamdyq keńesterdiń ózara is-qimyly.

Ministrliktiń jáne oǵan baǵynysty vedomstvolardyń qaramaǵyna myna uiymdar kirdi:

• «Qazaq áýenderi» AQ;

• «Qazaq gazetteri» JShS;

• Qazaq ulttyq horeografiia akademiiasy;

• Qazaqstan Respýblikasynyń Ulttyq mýzeii;

• «Qazaqstan» respýblikalyq teleradiokorporatsiiasy» AQ;

• «Qazcontent» AQ;

• «Qazmedia ortalyǵy» basqarýshy kompaniiasy» JShS;

• «Habar» agenttigi» AQ;

• Sháken Aimanov atyndaǵy «Qazaqfilm» AQ.

Úkimet qaýlysy qol qoiylǵan kúnnen, iaǵni 12 qazannan bastap kúshine endi.

Eske salaiyq, 1 qyrkúiekte Memleket basshysynyń Jarlyǵymen 5 jańa ministrlik qurylǵan edi.