QR Mádeniet jáne sport ministrligi qazaqstandyq tanymal mánerlep syrǵanaýshy jaiynda «Bizdiń Denis» atty kitaptyń qosymsha 2 myń danasyn ázirlep jatyr, dep habarlaidy "Ult aqparat".
«Biz Denis týraly barlyq maǵlumattardy jinastyryp, atalmysh kitapty bir túnniń ishinde shyǵardyq. Ony syrǵanaýshymen qoshtasý rásimi kezinde Barys-Arenada tarattyq. Sondai-aq, qosymsha aqparat jinaqtap, 2000 dana taralymmen shyǵarýdy josparlap otyrmyz, - dedi ministrliktiń baspasóz hatshysy Aidar Qyryqbai.
Onyń aitýynsha, qaiǵyly jaǵdaida qaza tapqan qazaqstandyq sportshynyń ómiri jaiynda jazylǵan eńbek ár túrli jerlerde taratylatyn bolady.
«Aýdandyq, aýyldyq, óńirlik, oblystyq deńgeide taratý oiymyzda bar. Respýblikalyq mańyzy bar qalalardyń kitaphanalaryna da jetkizemiz. Sondai-aq, kitaptardy bizdiń mekemege qarasty sport mektepterine taratýdy josparlap otyrmyz», - dedi A. Qyryqbai.
Baspasóz hatshysy kitaptyń 10 beti Denis Tenmen qoshtasý kezinde tanymal otandastarymyz aitqan sózdermen tolyǵatynyn jetkizdi.
«Erteń barlyǵyn daiyndap, sońyna jetkizemiz dep otyrmyz. Árine, týyndyny kitaphanalardan da alyp oqýǵa bolady. Sondai-aq, QR Mádeniet jáne sport ministrliginiń resmi saitynan elektrondyq nusqada qarap shyǵýǵa jaǵdai jasalǵan», - dedi A. Qyryqbai.
Eske salaiyq, 19 shilde kúni Denis Ten kólik urylarynyń shabýyly saldarynan kóp qan joǵaltyp, aýrýhanada qaza tapty.
Almaty qalasynyń IID Denis Tenniń ólimine kúdikti eki azamatty ustady.
