QR Mádeniet jáne sport ministri Aqtoty Raiymqulova balalar «Junior Eurovision -2019» án baiqaýynda 2-oryn alǵan jas ánshi Erjan Maksimdi quttyqtady, – dep habarlaidy «Ult aqparat».
«Qurmetti Erjan! Sizdi Junior Eurovision song contest-2019 baiqaýynda júldeli ekinshi oryn alýyńyzben shyn júrekten quttyqtaimyn! Siz Polshanyń Glivitse qalasynda ótken Junior Eurovision halyqaralyq án baiqaýyndaǵy jarqyn ónerińizben kezekti ret asqaq armanǵa degen qulshynysy zor daryndy, eńbekqor ánshi ekenińizdi pash ettińiz. Rasynda, sizdiń oryndaýyńyzdaǵy ásem án álem halyqtarynyń qazaq mádenietimen tanysa túsýge degen qushtarlyǵyn oiatqany sózsiz. Aldaǵy ýaqytta da jahandyq baiqaýlarda sátti óner kórsetip, jarqyn jetistikterińizben el mereiin ústem ete berińiz. Osynaý sátti paidalana otyryp, Sizge zor densaýlyq, tolaiym shyǵarmashylyq tabys tileimin!» dep jazylǵan ministrdiń quttyqtaýynda.
Eske sala ketsek, Polshada ótken «Junior Eurovision-2019» án baiqaýynda baq synaǵan qazaqstandyq Erjan Maksim ekinshi oryn alǵan bolatyn. Qazylardyń bergen baǵasy boiynsha Erjan Maksim birinshi oryn aldy. Al onlain daýys berý qorytyndysymen 79 upai jinady. Osylaisha qazaqstandyq ánshi jalpy 227 upaimen ekinshi oryn boldy. Baiqaýdyń bas júldesin 278 upai jinaǵan Polsha ókili Viki Gabor jeńip aldy. Osyǵan deiin jas ánshini QR Prezidenti Qasym-Jomart Toqaev quttyqtaǵanyn jazǵan edik.
