Mádeniet jáne sport ministri Arystanbek Muhamediuly AQSh-taǵy «The World's Best» baiqaýynda sátti óner kórsetip jatqan Dimash Qudaibergen men Daneliia Tóleshovany tárbielegen ustazdaryna alǵys aitty, dep habarlaidy QazAqparat tilshisi.
«Dimashtyń Londondaǵy kontsertinde 4600 bilet satyldy. Al ol kontsert ótken zal bar-joǵy 2 myń adamǵa arnalǵan. Halyqaralyq deńgeide ol kontsertti tamashalaǵysy kelgender tym kóp boldy. Bizdiń Dimashty VVS qatarly álemdik telearnalar kórsetti. Qazirgi ýaqytta Dimashpen birge Daneliia da amerikalyq «The World's Best» baiqaýyna qatysyp jatyr. Ol baiqaý ótip jatqan CBS arnasy - álemniń eń iri televiziialyq kompaniiasynyń biri. Onyń aýditoriiasy - 1,5 mlrd kórermen. Ol baiqaýǵa qatysyp jatqandardyń ishinde bizdiń ónerpazdarymyzdan bólek, TMD-dan birde-bir adam joq. Irikteý óte qatań. Mine, bizdiń eki otandasymyz ol baiqaýda sátti óner kórsetip jatyr. Ol - AQSh. Ol - álemniń eń úzdik sahnasy. Ónerpazdarymyzdy osy zalda otyrǵan ózimizdiń ustazdar tárbieledi. Biz (pedagogtarǵa) sizdermen maqtanamyz», - dedi Arystanbek Muhamediuly.
Eske sala ketsek, buǵan deiin Dimash Qudaibergen men Daneliia Tóleshova «The World's Best» baiqaýynda sátti óner kórsetip, ádil qazylardyń joǵary baǵasyna ie bolǵan edi.
