Madagaskar politsiia ministri tikushaq apatqa ushyrap, teńizge qulaǵannan keiin jaǵalaýǵa deiin 12 saǵat boiy júzip jetken, dep habarlaidy QazAqparat VVS-ge silteme jasap.
Onymen birge qaýipsizdik qyzmetiniń taǵy bir sheneýnigi aman qalǵan.
Teńiz agenttiginiń málimetinshe, kemeniń apatqa ushyraýy saldarynan mert bolǵandar sany 64-ke jetken. Kem degende 20 adam iz-túzsiz joǵalǵandar tiziminde.
57 jastaǵy Gelle jel ekpini saldarynan tikushaqtyń qulaǵanyn, Mahamboǵa deiin dúisenbi kúni saǵat 19:30-dan seisenbi kúni 7:30-ǵa deiin júzip jetkenin aitty. Onyń sózine qaraǵanda, eshqandai jaraqat almaǵan, biraq qatty tońǵan.
Politsiia bastyǵy Zafisambatra Ravoavi Frans press agenttigine Gelleniń júzý quraly retinde tikushaq oryndyqtarynyń birin paidalanǵanyn aityp berdi.
Serj Gelle ministr bolyp taǵaiyndalǵanǵa deiin politsiiada 30 jyl qyzmet etken.
