ماداگاسكار پوليتسييا مينيسترٸ تٸكۇشاق اپاتقا ۇشىراپ, تەڭٸزگە قۇلاعاننان كەيٸن جاعالاۋعا دەيٸن 12 ساعات بويى جٷزٸپ جەتكەن, دەپ حابارلايدى قازاقپارات ۆۆس-گە سٸلتەمە جاساپ.
ونىمەن بٸرگە قاۋٸپسٸزدٸك قىزمەتٸنٸڭ تاعى بٸر شەنەۋنٸگٸ امان قالعان.
تەڭٸز اگەنتتٸگٸنٸڭ مەلٸمەتٸنشە, كەمەنٸڭ اپاتقا ۇشىراۋى سالدارىنان مەرت بولعاندار سانى 64-كە جەتكەن. كەم دەگەندە 20 ادام ٸز-تٷزسٸز جوعالعاندار تٸزٸمٸندە.
57 جاستاعى گەللە جەل ەكپٸنٸ سالدارىنان تٸكۇشاقتىڭ قۇلاعانىن, ماحامبوعا دەيٸن دٷيسەنبٸ كٷنٸ ساعات 19:30-دان سەيسەنبٸ كٷنٸ 7:30-عا دەيٸن جٷزٸپ جەتكەنٸن ايتتى. ونىڭ سٶزٸنە قاراعاندا, ەشقانداي جاراقات الماعان, بٸراق قاتتى توڭعان.
پوليتسييا باستىعى زافيسامباترا راۆواۆي فرانس پرەسس اگەنتتٸگٸنە گەللەنٸڭ جٷزۋ قۇرالى رەتٸندە تٸكۇشاق ورىندىقتارىنىڭ بٸرٸن پايدالانعانىن ايتىپ بەردٸ.
سەرج گەللە مينيستر بولىپ تاعايىندالعانعا دەيٸن پوليتسييادا 30 جىل قىزمەت ەتكەن.
