Qazaqstannyń Belgiia Koroldigindegi Elshiligi, elimizdiń Liýksembýrgtegi Qurmetti konsýldyǵy men «Eurasian Resources Group» kompaniiasy Qazaqstan Táýelsizdiginiń 30 jyldyǵyna orai Liýksembýrgte mereitoilyq poshta markalaryn shyǵarý bastamasyn kóterdi, dep habarlaidy QazAqparat tilshisi.
Poshtalyq markada Qazaqstan Táýelsizdiginiń 30 jyldyǵynyń logotipi beinelengen. Shyǵarylǵan poshta markalary kúndelikti hat-habarlarda, sondai-aq kádesyi ónimderi retinde paidalanýǵa bolady.
Liýksembýrg óziniń poshta markalaryn alǵash ret 1852 jyly 15 qyrkúiekte shyǵardy, al alǵashqy ulttyq poshta markalarynyń kórmesi 1946 jyly 28-29 shildede Diýdelanj qalasynda uiymdastyryldy.
Mereitoilyq marka «Post Luxembourg» ulttyq poshta kompaniiasynyń qoldaýymen shyǵaryldy. 170 jyldan astam ýaqyt ishinde «Post Luxembourg» joǵary standartty qyzmetterdi usyna otyryp, el turǵyndarynyń ómirinde mańyzdy ról atqarady.
«Qazaqstan Táýelsizdiginiń 30 jyldyǵy» logotipi bar markanyń alǵashqy danalary Liýksembýrg Uly Gertsogtiginiń memlekettik qurylymdarynyń, uiymdarynyń, kompaniialarynyń, sondai-aq Liýksembýrgtegi «Qazaqstan-Liýksembýrg» Qazaqtar qaýymdastyǵynyń ókilderine berildi.
