Lývrǵa kelýshileriniń biri Leonardo Da Vinchidiń ańyzǵa ainalǵan shedevri – "Mona Liza" nemese "Djokonda" kartinasyna tort laqtyrdy, dep habarlaidy Sputnik Qazaqstan agenttigi Marka basylymyna silteme jasap.
Er adam múgedekter arbasyna tańylǵan qart áiel keipinde kelgen. Osylaisha ózgelermen birge Lývrǵa kirgen. "Mona Lizanyń" aldynda kenetten arbasynan turyp, kartinaǵa tort laqtyrǵan. Oqiǵa jeksenbide bolǵan.
Kúzetshi er adamdy birden shyǵaryp jiberdi. Al jumysshylar torttyń qaldyǵyn shynydan jýyp tastady. Kartina áinekpen jabyq turady. Sondyqtan esh zaqym kelgen joq. Bolǵan oqiǵany kelýshiler uialy telefonǵa túsirýge asyqty.
Basylym shedevrdi búldirý úshin jasalǵan alǵashqy áreket emes ekenin jazady. 1950 jyldary er adam oǵan kúkirt qyshqylyn sepken. Al boliviialyq stýdent oǵan tas laqtyrdy. 2009 jyldyń jazynda reseilik týrist kartinaǵa bir kese shai serpip jiberdi.
