"Lýkoil" kompaniianyń direktorlar keńesi tóraǵasy Ravil Maganovtyń qaitys bolǵanyn rastady, - dep habarlaidy Tengrinews.kz tilshisi Daily Mail basylymyna silteme jasap.
Kompaniia ujym atynan Maganovtyń otbasyna kóńil aitty.
"Lýkoil" direktorlar keńesiniń tóraǵasy Ravil Maganovtyń aýyr naýqastan keiin qaitys bolǵanyn habarlaimyz. Ravil Ýlfatovich kompaniianyń ǵana emes, búkil Reseidiń munai-gaz salasynyń damýyna ólsheýsiz úles qosty", - delingen habarlamada.
Aita keteiik, bir kún buryn Máskeýdegi Marshal Timoshenko kóshesindegi Ortalyq klinikalyq aýrýhana ǵimaraty mańynan Ravil Maganov óli tabylǵan bolatyn. Top-menedjer altynshy qabattyń terezesinen qulap ketken degen boljam bar.
67 jastaǵy Maganov "Lýkoil" kompaniiasynda 1993 jyldan beri vitse-prezident bolyp jumys istegen. 2006 jyly "Lýkoil" kompaniiasynyń birinshi atqarýshy vitse-prezidenti boldy. Ol 2020 jyly direktorlar keńesine tóraǵa bolǵan.
