"لۋكويل" كومپانييانىڭ ديرەكتورلار كەڭەسٸ تٶراعاسى راۆيل ماگانوۆتىڭ قايتىس بولعانىن راستادى, - دەپ حابارلايدى Tengrinews.kz تٸلشٸسٸ Daily Mail باسىلىمىنا سٸلتەمە جاساپ.
كومپانييا ۇجىم اتىنان ماگانوۆتىڭ وتباسىنا كٶڭٸل ايتتى.
"لۋكويل" ديرەكتورلار كەڭەسٸنٸڭ تٶراعاسى راۆيل ماگانوۆتىڭ اۋىر ناۋقاستان كەيٸن قايتىس بولعانىن حابارلايمىز. راۆيل ۋلفاتوۆيچ كومپانييانىڭ عانا ەمەس, بٷكٸل رەسەيدٸڭ مۇناي-گاز سالاسىنىڭ دامۋىنا ٶلشەۋسٸز ٷلەس قوستى", - دەلٸنگەن حابارلامادا.
ايتا كەتەيٸك, بٸر كٷن بۇرىن مەسكەۋدەگٸ مارشال تيموشەنكو كٶشەسٸندەگٸ ورتالىق كلينيكالىق اۋرۋحانا عيماراتى ماڭىنان راۆيل ماگانوۆ ٶلٸ تابىلعان بولاتىن. توپ-مەنەدجەر التىنشى قاباتتىڭ تەرەزەسٸنەن قۇلاپ كەتكەن دەگەن بولجام بار.
67 جاستاعى ماگانوۆ "لۋكويل" كومپانيياسىندا 1993 جىلدان بەرٸ ۆيتسە-پرەزيدەنت بولىپ جۇمىس ٸستەگەن. 2006 جىلى "لۋكويل" كومپانيياسىنىڭ بٸرٸنشٸ اتقارۋشى ۆيتسە-پرەزيدەنتٸ بولدى. ول 2020 جىلى ديرەكتورلار كەڭەسٸنە تٶراعا بولعان.
