Belarýs basshysy Aleksandr Lýkashenko 2 shildede belorýs áskeri Ýkraina jaǵynan jiberilgen zymyrandardy atyp túsirdi dep málimdedi, biraq sózine eshqandai aiǵaq-dálel keltirmedi.
"Bizdi arandatyp jatyr" dedi Lýkashenko senbi kúni. Onyń sózinen Belarýstiń memlekettik "BELTA" aqparat agenttigi úzindi keltiredi.
"Úsh kún buryn Ýkraina óz aýmaǵynan Belarýstegi áskeri nysandarǵa soqqy jasamaq boldy. Biraq Ýkraina kúshteri ushyrǵan zymyrandardy "Pantsir" kesheniniń kómegimen atyp túsire aldyq" dedi ol. "Kommersant" basylymynyń jazýynsha, Lýkashenko Belarýstiń Táýelsizdik kúnine orai uiymdastyrylǵan saltanatty sharada sóilegen.
Lýkashenkonyń tujyrymdaýynsha, "bir oqpen eki qoiandy atý úshin" iaǵni, Belarýs jáne odaqtasy Reseimen "bir mezette esep aiyrysý úshin" Minskini Ýkrainadaǵy soǵysqa aralastyrǵysy keletinder bar. Onyń sózine qaraǵanda, Belarýs Ýkrainada soǵysýǵa talpynbaidy, biraq shabýyl jasalsa, amalsyz soǵysýǵa májbúr bolady. Lýkashenko áskerilerge "Minsk qarsylastarynyń" sheshim qabyldaityn ortalyqtaryn "nysanaǵa alý" jóninde buiryq bergenin atap ótti. Ol sonymen birge NATO men Eýroodaq ta Resei men Belarýsti arandatqysy keledi dep sanaidy.
Ýkraina jaǵy Lýkashenko sózine áli jaýap bergen joq.
Belarýs Ýkrainadaǵy soǵysqa tikelei qatysyp jatqan joq, alaida soǵys bastalǵaly beri Reseige logistikalyq jaǵynan kómek berip keledi. Atap aitqanda, Resei áskeriniń biraz bóligi Ýkrainaǵa Belarýs shekarasy arqyly kirgen.
Aita keteiik, Batys elderi Reseidiń Ýkrainaǵa basqynshylyǵyna bailanysty Máskeý men Minskige birneshe qatań sanktsiia salǵan.
2020 jyldyń tamyz aiyndaǵy prezident sailaýynan keiin AQSh, EO elderi jáne ózge de birqatar elder Aleksandr Lýkashenkony eldiń zańdy prezidenti dep moiyndamaidy. Lýkashenko men onyń tóńiregindegi sheneýnikterge sailaý qorytyndysymen kelispegen narazylardyń jappai aktsiiasyn kúshpen basyp, belsendilerdi qýdalap, azaptaǵany úshin sanktsiia salynǵan. Lýkashenko rejimin quqyq qorǵaýshylar adam quqyqtaryn óreskel buzdy, oppozitsiiany qýdalady dep aiyptaǵan.
