بەلارۋس باسشىسى الەكساندر لۋكاشەنكو 2 شٸلدەدە بەلورۋس ەسكەرٸ ۋكراينا جاعىنان جٸبەرٸلگەن زىمىرانداردى اتىپ تٷسٸردٸ دەپ مەلٸمدەدٸ, بٸراق سٶزٸنە ەشقانداي ايعاق-دەلەل كەلتٸرمەدٸ.
"بٸزدٸ ارانداتىپ جاتىر" دەدٸ لۋكاشەنكو سەنبٸ كٷنٸ. ونىڭ سٶزٸنەن بەلارۋستٸڭ مەملەكەتتٸك "بەلتا" اقپارات اگەنتتٸگٸ ٷزٸندٸ كەلتٸرەدٸ.
"ٷش كٷن بۇرىن ۋكراينا ٶز اۋماعىنان بەلارۋستەگٸ ەسكەري نىساندارعا سوققى جاساماق بولدى. بٸراق ۋكراينا كٷشتەرٸ ۇشىرعان زىمىرانداردى "پانتسير" كەشەنٸنٸڭ كٶمەگٸمەن اتىپ تٷسٸرە الدىق" دەدٸ ول. "كوممەرسانت" باسىلىمىنىڭ جازۋىنشا, لۋكاشەنكو بەلارۋستٸڭ تەۋەلسٸزدٸك كٷنٸنە وراي ۇيىمداستىرىلعان سالتاناتتى شارادا سٶيلەگەن.
لۋكاشەنكونىڭ تۇجىرىمداۋىنشا, "بٸر وقپەن ەكٸ قوياندى اتۋ ٷشٸن" ياعني, بەلارۋس جەنە وداقتاسى رەسەيمەن "بٸر مەزەتتە ەسەپ ايىرىسۋ ٷشٸن" مينسكٸنٸ ۋكرايناداعى سوعىسقا ارالاستىرعىسى كەلەتٸندەر بار. ونىڭ سٶزٸنە قاراعاندا, بەلارۋس ۋكراينادا سوعىسۋعا تالپىنبايدى, بٸراق شابۋىل جاسالسا, امالسىز سوعىسۋعا مەجبٷر بولادى. لۋكاشەنكو ەسكەريلەرگە "مينسك قارسىلاستارىنىڭ" شەشٸم قابىلدايتىن ورتالىقتارىن "نىساناعا الۋ" جٶنٸندە بۇيرىق بەرگەنٸن اتاپ ٶتتٸ. ول سونىمەن بٸرگە ناتو مەن ەۋرووداق تا رەسەي مەن بەلارۋستٸ ارانداتقىسى كەلەدٸ دەپ سانايدى.
ۋكراينا جاعى لۋكاشەنكو سٶزٸنە ەلٸ جاۋاپ بەرگەن جوق.
بەلارۋس ۋكرايناداعى سوعىسقا تٸكەلەي قاتىسىپ جاتقان جوق, الايدا سوعىس باستالعالى بەرٸ رەسەيگە لوگيستيكالىق جاعىنان كٶمەك بەرٸپ كەلەدٸ. اتاپ ايتقاندا, رەسەي ەسكەرٸنٸڭ بٸراز بٶلٸگٸ ۋكرايناعا بەلارۋس شەكاراسى ارقىلى كٸرگەن.
ايتا كەتەيٸك, باتىس ەلدەرٸ رەسەيدٸڭ ۋكرايناعا باسقىنشىلىعىنا بايلانىستى مەسكەۋ مەن مينسكٸگە بٸرنەشە قاتاڭ سانكتسييا سالعان.
2020 جىلدىڭ تامىز ايىنداعى پرەزيدەنت سايلاۋىنان كەيٸن اقش, ەو ەلدەرٸ جەنە ٶزگە دە بٸرقاتار ەلدەر الەكساندر لۋكاشەنكونى ەلدٸڭ زاڭدى پرەزيدەنتٸ دەپ مويىندامايدى. لۋكاشەنكو مەن ونىڭ تٶڭٸرەگٸندەگٸ شەنەۋنٸكتەرگە سايلاۋ قورىتىندىسىمەن كەلٸسپەگەن نارازىلاردىڭ جاپپاي اكتسيياسىن كٷشپەن باسىپ, بەلسەندٸلەردٸ قۋدالاپ, ازاپتاعانى ٷشٸن سانكتسييا سالىنعان. لۋكاشەنكو رەجيمٸن قۇقىق قورعاۋشىلار ادام قۇقىقتارىن ٶرەسكەل بۇزدى, وپپوزيتسييانى قۋدالادى دەپ ايىپتاعان.
