Elorda ákiminiń burynǵy orynbasary Qanat Sultanbekovke, "Astana LRT" JShS basqarma tóraǵasy Talǵat Ardanǵa jáne olardyń sybailastaryna qatysty qylmystyq isti zerdeleý aiaqtaldy. Aiyptaý aktilerin bekitý týraly sheshim qabyldandy, - dep habarlaidy Tengrinews.kz agenttigi Nur-Sultan qalalyq prokýratýrasyna silteme jasap.
Búginde qylmystyq is júrgizý kodeksiniń (QIJK) 304-baby tártibinde aiyptaý aktileri qylmystyq protsestiń barlyq qatysýshysyna, onyń ishinde aiyptalýshylardyń qorǵaýshylary Sultanbekov pen Ardanǵa qol qoiylyp berilgen.
"Sultanbekov pen Ardan shetelde jasyrynyp, kelýden jaltaryp júr, osyǵan bailanysty prokýratýra QIJK - niń 304-babynyń 2-bóligin basshylyqqa ala otyryp, olarǵa qatysty qylmystyq istiń sotqa jiberilgeni týraly osy habarlamany jariialaidy", - dedi qadaǵalaý vedomstvosy ókilderi.
Buǵan deiin prokýratýra QIJK talaptaryna sáikes qazaqstandyq jáne sheteldik BAQ-ta jariialanymdardy ornalastyrý arqyly Sultanbekov pen Ardanǵa jaýap alýǵa kelý jáne olardyń is-áreketteriniń biliktiligi týraly qaýlyny jariialaý qajet ekeni týraly habarlaǵan bolatyn.
Alaida, prokýratýra málimetinshe, belgilengen ýaqytta Sultanbekov pen Ardan kelmegen jáne nelikten kelmegenderi týraly habardar etpegen.
