Túrkiiada izdeý jariialanǵan Astana LRT kompaniiasynyń burynǵy basshysy Talǵat Ardandy anyqtaý jáne ustaý sharalary júrgizilip jatyr. Bul týraly bas prokýror Ǵizat Nurdáýletov Májilis depýtattary saýalyna bergen jaýabynda aitty, - dep habarlaidy Tengrinews.kz tilshisi.
Bas prokýratýra sybailas jemqorlyqqa qarsy qyzmettiń suraýy boiynsha IIM Interpol arnalary arqyly izdeýde júrgen Talǵat Ardan men Qanat Sultanbekovke halyqaralyq izdeý jariialanǵanyn habarlady.
"Talǵat Ardannyń Túrkiia Respýblikasy aýmaǵynda bolý yqtimaldyǵy týraly qolda bar aqparatqa bailanysty ony ekstraditsiialaý týraly osy memlekettiń quzyrly organdaryna suraý salý jiberildi (28.09.2019 jyly).
2021 jyldyń 15 sáýirinde Túrkiianyń Interpolynan Stambýl qalasynyń Bakyrkói qylmystyq soty ekstraditsiialaý týraly ótinish negizinde Talǵat Ardandy (syrttai) qamaýǵa alý týraly qaýly shyǵarǵany týraly aqparat kelip tústi. Qazirgi ýaqytta Túrkiia aýmaǵynda izdeýde júrgen adamdy anyqtaý jáne ustaý sharalary júrgizilip jatyr", - dedi Qazaqstannyń bas prokýrory.
