Londonda Elbasynyń iadrolyq qarýdy taratpaý jáne qarýsyzdandyrý salasyndaǵy beibit bastamalaryn talqylaýǵa arnalǵan jiyn ótti. Bul týraly "Ult aqparat" QR Tuńǵysh Prezidenti – Elbasy qoryna silteme jasap habarlaidy.
Atalǵan jiynǵa QR Tuńǵysh Prezidenti – Elbasy Qorynyń Ulybritaniiadaǵy ókildigi atalǵan eldiń jetekshi ǵylymi-zertteý ortalyqtarynyń ókilderi, Qazaqstan, Ulybritaniia elderiniń sarapshylary jáne akademiialyq orta ókilderiniń qatysty.
Biylǵy jyldyń 29 tamyzynda Halyqaralyq iadrolyq synaqtarǵa qarsy is-qimyl kúni aiasynda Qazaqstan astanasynda Nazarbaevtyń Beibitshilik syilyǵyn tapsyrý rásimi ótkizilgen edi. Is-shara barysynda N.Á. Nazarbaev iadrolyq qarýdy taratpaý jáne qarýsyzdandyrý týraly jahandyq qaýipsizdik pen senimdi nyǵaitýǵa baǵyttalǵan birqatar jańa tezister keltirdi.
Qordyń Londondaǵy ókildiginiń qoldaýymen ótkizilgen is-shara barysynda bedeldi britandyq saraptama ortalyqtarynyń sarapshylary, Kembridj, Oksford, Lafboro ýniversitetteri, London ekonomika jáne saiasattaný mektebiniń professorlary osy bastamalardyń búgingi ýaqytta ózekti ekenin belgilep, sonymen qatar beibitshilik jáne qarýsyzdaný ideialaryn nasihattaýda Qazaqstannyń jahandyq kóshbasshylyǵyn atap ótti.
Qatysýshylarǵa Elbasy N.Á. Nazarbaevtyń iadrolyq qarýdy taratpaý jáne qarýsyzdandyrý salasyndaǵy beibit bastamalarynyń retrospektivalaryn QR Tuńǵysh Prezidenti qorynyń Ulybritaniiadaǵy ókili Ǵani Bekenov jáne belgili qazaqstandyq sýretshi, iadrolyq qarýsyz álem úshin belsendi, ATOM jobasynyń qurmetti elshisi Káripbek Kúiikov usyndy.
K.Kúiikov Ulybritaniia parlamentinde iadrolyq qarýǵa qarsy sýretter kórmesi ashty, sonymen qatar Manchester jáne Edinbýrg qalalarynda kezdesýler men is-sharalar ótkizdi. K. Kúiikovtyń pikirinshe kóptegen jyldar boiy radioaktivti synaqtardan zardap shekken Qazaqstan halqy beibitshilik pen jasampazdyqqa degen umtylysyn joǵaltqan joq jáne jappai qyryp-joiý qarýyn qabyldamaý baǵytynda barsha adamzatqa úlgi.
Dóńgelek ústel aiasynda tanymal britandyq rejisser A. Singerdiń Qazaqstandaǵy iadrolyq synaq jarylystarynyń zardaptary men N.Á. Nazarbaevtyń memleketimizdiń táýelsizdigi tańyndaǵy Semei poligonyndaǵy synaqtardy ótkizýge tyiym salý jáne jabý týraly tarihi sheshimi jaiynda «Jel soǵatyn jerde» («Where the Wind Blew») filminiń kórsetilimi ótti.
