Vestminster Lord-Meriniń sheshimimen endi Londondaǵy Qazaqstan Elshiliginiń ǵimaraty resmi túrde Kazakhstan House dep atalady, dep habarlaidy "Ult aqparat" Qazaqstan Syrtqy ister ministrliginiń resmi Telegram-kanalyna silteme jasap.
Bul ataý barlyq resmi qujattarda, qala kartasynda jáne basqa da taspalarda kórinis tabatyn bolady. Tolyq mekenjaiy: Embassy of the Republic of Kazakhstan Kazakhstan House 125 Pall Mall, London SW1Y 5EA.
Qazirgi tańda Londondaǵy sheteldik Elshilikter arasynda óz elderimen atalatyn diplomatiialyq missiia ǵimarattarynyń sany óte az. Olar - Birikken Koroldikpen erekshe qarym-qatynasqa ie memleketterdiń diplomatiialyq ókildikteri.
«Basty memlekettik mereke qarsańynda osyndai mártebege ie bolý qýanyshty jaǵdai. Bul Qazaqstan men Ulybritaniia arasyndaǵy strategiialyq seriktestikti odan ári nyǵaitady. Bizdiń Elshiliktiń ǵimaraty qaladaǵy kórikti jerlerdiń - Trafalgar Square men Leicester Square aralyǵynda ornalasqan. Sáikesinshe, bul okrýgte túrli elderden keletin týrister óte kóp. Kazakhstan House jazbasy Haymarket-ten de, Pall Mall-dan da, Cockspur Street-ten de jaqsy kórinedi», - delingen habarlamada.
