Júzýdi jaqsy kóretin jandar úshin jaqsy jańalyq. Londonda álemde alǵash ret tirkelip otyrǵan, 360 gradýs beineli, biikte ornalasqan bassein qurylysy bastaldy, dep habarlaidy CNN.
Bul bassein Infinity London ǵimaratynyń 55-qabatynda ornalaspaq. Kólemi 600 000 litr sý quiaǵa arnalǵan. Ideia jáne qurylys avtory - Compass Pools kompaniiasy. Dizainerler dál osyndai biikte, 360 gradýstyń bárin kórsetetin bassein álemde joq deidi.
Haýyz akrildan quiylyp jasalady, astyńǵy edeni men shetindegi qabyrǵalary móldir shyny bolmaq. Sondyqtan ǵimarattyń tómengi qabatynda júrgender joǵaryda júzip júrgen adamdardy kóre alady.
Compass Pools kompaniiasynyń dizaineri Aleks Kemsli kóptegen tehnikalyq máselelerdiń oryn alǵanyn aitty, sonyń ishindegi eń kúrdelisi basseinge júzýshilerdiń qalai enetini uzaq ýaqyt talqylanǵan.
Basseinniń ádemi beinesin saqtap qalý úshin dizainerler syrtqy jaǵyna, ǵimarattyń ainalasyna eshqandai saty ornatpaǵan. Burandaly saty sýdyń ishine ornatylmaq. Haýyz túnde «baǵaly fakel» siiaqty jyltyrap, ǵimaratqa ádemi ár bere túsedi dep boljanyp otyr.
Haýyzdyń ainalasyna anemometr ornatylady, ol jeldiń jyldamdyǵyn baqylaidy. Sýdyń temperatýrasy kompiýterlik júieniń kómegimen basqarylady.
55 qabatty ǵimarattyń shatyrynda bassein salynǵannan soń, dizainerler joǵary qabattaryna 5 juldyzdy qonaqúi salýdy josparlaǵan. Haýyz qurylysy 2020 jyly bastalady.
