Londonnyń Elefant-end-Kasl bóligindegi stansada shyqqan órt sóndirildi, dep habarlaidy "Ult aqparat" Euronews-ke silteme jasap.
Oqiǵa kezinde eki adam zardap shekken. Londonnyń órt sóndirý qyzmeti stansada úsh kommertsiialyq ǵimarat, birneshe kólik pen telefon býdkasy órtengenin rastady.
Órttiń neden shyqqany ázirge belgisiz. Ony sóndirýge 100 órt sóndirýshi jumyldyryldy.
Kýágerlerdiń aitýynsha, olar órt bastalar aldynda birneshe ret jarylysty estigen. Alaida politsiia bul oqiǵanyń terrorizmge qatysy bolýy yqtimal degen joramaldy joqqa shyǵardy.
Órt saldarynan osy baǵyttaǵy poiyzdar júrisi ýaqytsha toqtatyldy. Sonymen qatar stansaǵa jaqyn úiler men keńselerdegi adamdar evakýatsiialandy.
