Lombardtardyń eseptik tirkeýden ótýi úshin qujattardy tapsyrýdyń jańa merzimderi belgilendi, dep habarlaidy "Ult aqparat" QR Qarjy naryǵyn retteý jáne damytý agenttigine silteme jasap.
«Tótenshe jaǵdaiǵa jáne karantin kezeńinde qyzmetti júzege asyrýǵa tyiym salýǵa bailanysty agenttik mikroqarjylyq qyzmetti júzege asyratyn uiymdardyń eseptik tirkeýden ótýi úshin qujattardy tapsyrý merzimderin respýblikalyq mańyzy bar qalalarda jáne oblys ortalyqtarynda 2020 jylǵy 1 maýsymǵa deiin jáne basqa eldi mekender úshin 2020 jylǵy 15 maýsymǵa deiin aýystyrý týral sheshim qabyldady («Mikroqarjylyq qyzmetti júzege asyratyn uiymdardyń qyzmetin retteý máseleleri boiynsha Qazaqstan Respýblikasynyń keibir normativtik quqyqtyq aktilerine ózgerister engizý týraly» Agenttik Basqarmasynyń 2020 jylǵy 30 sáýirdegi № 55 qaýlysy)» delingen habarlamada.
Osyǵan deiin eseptik tirkeýden ótý úshin qujattardy tapsyrý merzimi iri qalalar úshin 2020 jylǵy 1 mamyrǵa deiin jáne basqa óńirler úshin 2020 jylǵy 1 maýsymǵa deiin dep belgilengen.
«Qazaqstan Respýblikasynyń keibir zańnamalyq aktilerine qarjy naryǵyn retteý men damytý, mikroqarjylyq qyzmet jne salyq salý máseleleri boiynsha ózgerister men tolyqtyrýlar engizý týraly» 2019 jylǵy 4 shildedegi Qazaqstan Respýblikasynyń Zańyna sáikes 2020 jylǵy 1 qańtardan bastap azamattarǵa qaryzdar beretin barlyq kreditteý sýbektileriniń qyzmetin retteý engizildi. 2020 jylǵy 1 shildege deiin barlyq kórsetilgen sýbektiler, onyń ishinde lombardtar, kredittik seriktestikter jáne onlain-kreditteý kompaniialary mikroqarjylyq qyzmetti júzege asyratyn uiymdar retinde agenttikte eseptik tirkeýden ótýge tiis.
Jumys istep turǵan lombardtardyń jarǵylyq jáne menshikti kapitalyna qoiylatyn talaptardy arttyrýdyń jańa kestesi agenttik basqarmasynyń qaýlysymen lombardtar úshin jarǵylyq jáne menshikti kapitaldarǵa qoiylatyn jańa talaptardy belgileý merzimderi aýystyryldy.
Zańdy tulǵalar retinde 2020 jylǵy 1 qańtarǵa deiin tirkelgen, Nur-Sultan, Almaty, Shymkent qalalarynda nemese oblys ortalyqtarynda óz qyzmetin júzege asyratyn lombardtar úshin, jarǵylyq jáne menshikti kapitaldardyń eń tómengi mólsheri 10 000 000 (on million) teńgeni, ózge óńirlerde 5 000 000 (bes million) teńgeni quraidy.
Zańdy tulǵalar retinde 2020 jylǵy 1 qańtardan keiin tirkelgen, Nur-Sultan, Almaty, Shymkent qalalarynda nemese oblys ortalyqtarynda óz qyzmetin júzege asyratyn lombardtar úshin, jarǵylyq jáne menshikti kapitaldardyń eń tómengi mólsheri 70 000 000 (jetpis million) teńgeni, ózge óńirlerde 30 000 000 (otyz million) teńgeni quraidy.
Qaýlynyń tolyq mátini jáne Qaýlyǵa Qosymsha QR Qarjy naryǵyn retteý jáne damytý agenttiginiń www.finreg.kz resmi saitynda, «Agenttiktiń NQA» degen bólimde ornalastyryldy.
