Foto: ashyq derekkóz
Úkimet otyrysynda Premer-ministr Oljas Bektenov erekshe bilim berý qajettiligi bar balalardy qoldaý júiesin kúsheitýdi tapsyrdy, dep habarlaidy Ult.kz.
Onyń aitýynsha, elde logopedter, sýrdologtar men reabilitologtar jetispeidi, al psihologiialyq-meditsinalyq pedagogikalyq komissiialar muqtaj balalardy ýaqytyly tekserip úlgermei otyr.
Premer-ministrdiń sózinshe, tekserýden ótý kezegi birneshe aiǵa deiin sozylyp ketken. Sonymen qatar, pedagogterdiń erekshe balalarmen jáne eresektermen jumys isteý daǵdylary jetkilikti deńgeide qalyptaspaǵan.
«Muǵalimderdiń barlyǵy birdei erekshe bilim berý qajettilikteri bar oqýshylarmen tiimdi qarym-qatynas ornata almaidy. Muny azamattardyń kóptegen ótinishterinen baiqaýǵa bolady», — dedi Oljas Bektenov.
Osyǵan bailanysty Úkimet basshysy Oqý-aǵartý ministrligine birqatar tapsyrma júktedi. Atap aitqanda, erekshe balalarmen jumys isteý boiynsha muǵalimderge arnalǵan kýrstardy turaqty túrde ótkizý jáne 1 qyrkúiekke deiin inkliýzivti bilim berý júiesiniń jańa sapaly modelin engizý qajet.
Jańa model kadrlyq qamtamasyz etýdi arttyrýdy jáne qoldaý qyzmetterin kúsheitýdi qamtidy.
