فوتو: اشىق دەرەككٶز
ٷكٸمەت وتىرىسىندا پرەمەر-مينيستر ولجاس بەكتەنوۆ ەرەكشە بٸلٸم بەرۋ قاجەتتٸلٸگٸ بار بالالاردى قولداۋ جٷيەسٸن كٷشەيتۋدٸ تاپسىردى, دەپ حابارلايدى Ult.kz.
ونىڭ ايتۋىنشا, ەلدە لوگوپەدتەر, سۋردولوگتار مەن رەابيليتولوگتار جەتٸسپەيدٸ, ال پسيحولوگييالىق-مەديتسينالىق پەداگوگيكالىق كوميسسييالار مۇقتاج بالالاردى ۋاقىتىلى تەكسەرٸپ ٷلگەرمەي وتىر.
پرەمەر-مينيستردٸڭ سٶزٸنشە, تەكسەرۋدەن ٶتۋ كەزەگٸ بٸرنەشە ايعا دەيٸن سوزىلىپ كەتكەن. سونىمەن قاتار, پەداگوگتەردٸڭ ەرەكشە بالالارمەن جەنە ەرەسەكتەرمەن جۇمىس ٸستەۋ داعدىلارى جەتكٸلٸكتٸ دەڭگەيدە قالىپتاسپاعان.
«مۇعالٸمدەردٸڭ بارلىعى بٸردەي ەرەكشە بٸلٸم بەرۋ قاجەتتٸلٸكتەرٸ بار وقۋشىلارمەن تيٸمدٸ قارىم-قاتىناس ورناتا المايدى. مۇنى ازاماتتاردىڭ كٶپتەگەن ٶتٸنٸشتەرٸنەن بايقاۋعا بولادى», — دەدٸ ولجاس بەكتەنوۆ.
وسىعان بايلانىستى ٷكٸمەت باسشىسى وقۋ-اعارتۋ مينيسترلٸگٸنە بٸرقاتار تاپسىرما جٷكتەدٸ. اتاپ ايتقاندا, ەرەكشە بالالارمەن جۇمىس ٸستەۋ بويىنشا مۇعالٸمدەرگە ارنالعان كۋرستاردى تۇراقتى تٷردە ٶتكٸزۋ جەنە 1 قىركٷيەككە دەيٸن ينكليۋزيۆتٸ بٸلٸم بەرۋ جٷيەسٸنٸڭ جاڭا ساپالى مودەلٸن ەنگٸزۋ قاجەت.
جاڭا مودەل كادرلىق قامتاماسىز ەتۋدٸ ارتتىرۋدى جەنە قولداۋ قىزمەتتەرٸن كٷشەيتۋدٸ قامتيدى.
