QR Parlamenti Májilisiniń jalpy otyrysynda «QR Úkimeti men Úndistan Úkimeti arasyndaǵy BUU-nyń Livandaǵy Ýaqytsha kúshterindegi úndistandyq batalon quramynda qazaqstandyq bitimgershilik kontingentti birlesip óristetý tártibi týraly ózara túsinistik týraly memorandýmdy ratifikatsiialaý týraly» zań jobasy maquldandy, dep habarlaidy QazAqparat tilshisi.
Memorandýmǵa 2018 jylǵy 21 tamyzda BUU-nyń missiialaryna qatysýǵa QR Qarýly Kúshteriniń áskeri qyzmetshilerin jiberý týraly QR Parlamentiniń 2018 jylǵy 15 maýsymdaǵy qaýlysyn júzege asyrý maqsatynda qol qoiyldy. Qujatpen bitimgershilik kontigentti birlesip óristetý, atap aitqanda, qolbasshylyq etý jáne basqarý, qarjylyq jáne meditsinalyq qamtamasyz etý, sondai-aq jeke quramdy daiarlaý tártibi aiqyndalǵan.
«QR Qarýly Kúshteri Livanda 1978 jyldan bastap óristetilgen úndistandyq bitimgershilik kontigentiniń qaramaǵyna 120 áskeri qyzmetshiden turatyn rotany usynady. Rota qajetti qarýmen jáne oq-dárimen, jeke jáne arnaýly jabdyqpen qamtamasyz etilgen. Ózara árekettesý tártibi BUU-nyń rásimderimen rettelgen», - dedi QR Qorǵanys ministriniń orynbasary Talǵat Muhtarov.
Sonymen qatar ol atalǵan aýmaqqa baǵyttalatyn áskeri qyzmetshiler qajetti vaktsinatsiiadan ótkenin jetkizdi.
«Missiiaǵa qatysatyn áskeri qyzmetshilerdi áleýmettik jaǵynan qamtamasyz etý máseleleri el zańnamasymen rettelgen. Mysaly, «QR Bitimgershilik qyzmeti týraly» Zańyna sáikes, áskeri qyzmetshiler memleket esebinen bitimgershilik operatsiialarǵa qatysý kezeńinde 3 eselengen aqshalai jalaqymen, shipajai-kýrorttyq emdelýmen qamtamasyz etiledi. Sonymen qatar, bitimgershilik operatsiialarǵa qatysý kezeńindegi bir ailyq qyzmeti 1,5 ai bolyp eseptelinedi», - dedi T. Muhtarov.
Munymen qosa, BUU basshylyǵy elimiz bitimgershileriniń daiyndyq deńgeiine oń baǵa bergeni atap ótildi.
«Áskerilerimizdiń BUU missiiasyna qatysýy halyqaralyq qaýipsizdikti nyǵaitýǵa aitarlyqtai úles qosady. Sondai-aq halyqaralyq qaýymdastyqtyń jaýapty múshesi retinde, onyń ishinde Qazaqstan Respýblikasynyń BUU Qaýipsizdik Keńesindegi turaqty emes músheliginiń qorytyndysyn shyǵarý aiasynda da Qazaqstannyń bedelin nyǵaitady», - dep túidi Talǵat Muhtarov.
Budan buryn habarlanǵandai, maýsym aiyndaǵy QR Parlamenti palatalarynyń birlesken otyrysynda Qazaqstannyń 120-ǵa jýyq áskeri qyzmetshisi Livandaǵy missiiaǵa qatysatyny málim boldy.
Sonymen qatar Qazaqstan áskerileri Livandaǵy bitimgerlik missiiasyna ázirlenip jatqandyǵy aitylǵan edi.
BUU missiiasynda Qazaqstan bitimgerlerine tólenetin eńbekaqy mólsheri de belgili boldy.
