14 mamyrda Vilniýstiń eski qalasyndaǵy bogemalyq oram - Ýjýpiste, «Jahandyq ómirdegi zamanaýi Qazaqstan mádenieti» jobasyn is-asyrý sheńberinde, belgili qazaqstandyq sýretshi Raýza Eralievanyń kórmesi ashyldy, dep habarlaidy Qazaqstannyń Litvadaǵy elshiligi.
Kórmeniń ashylýyna resmi tulǵalar, biznes jáne akademiialyq toptardyń ókilderi, mádeniet qairatkerleri, sondai-aq Litvada tirkelgen diplomatiialyq missiialarynyń músheleri qatysty.
Litvadaǵy Qazaqstannyń elshisi V.Temirbaev festivaldyń ashylý rásiminde sóilegen sózinde qazaqstandyq ónerdiń kópshilikke taralýy jáne elimizdiń mádeni áleýetiniń damýyndaǵy dinamizmi «Rýhani jańǵyrý» baǵdarlamasynyń jáne «Uly dalanyń jeti qyry» atty Elbasynyń maqalasy arqyly oidaǵydai iske asyrylyp jatqanyn attap ótti.
Óz kezeginde, litva jurtshylyǵyn qazaqstandyq sýretshiniń jarqyn jáne erekshe stili tańǵaldyrdy.
«Meni Raýza Eralievanyń kórmesi qatty tańdandyrdy. Men sýretshiniń paidalanǵan jarqyn boiaýlaryna tańǵaldym, kórmege kelgen qonaqtarǵa qazaq halqynyń mádenietine tán, keremet beineler men formalardy kórsetkenimizge óte qýanyshtymyn», - dep, Ýjýpis óner-inkýbatorynyń jetekshisi Ieva Matýlionite kórme týraly pikirimen bólisti.
Sonymen birge Ieva Matýlionite qazaqstandyq sýretshilerimen mádeni-gýmanitarlyq yntymaqtastyqty nyǵaitýǵa qyzýǵýshylyǵyn bildirip, jas qazaqstandyqtardy óner inkýbatordyń jumysyna qatysýǵa shaqyrdy.
Aita keterligi, Ýjýpis - Litvanyń ǵana emes, búkil aimaqtyń basty kórikti jerleriniń biri. 1997 jylǵy 1 sáýirde, aimaq turǵyndary ásirese sýretshiler men aqyndar ony «Ýjýpis erkin respýblika» dep jariialady. «Memleket ishindegi memleket» Ýjýpisty Parijdegi ornalasqan Monmartrmen jáne Kopengagenniń Kristianiiasymen uqsastyryp bir qatarǵa qoiady. Atalǵan jer Litva astanasyndaǵy týrister kóp baratyn úshinshi orynǵa ie, sondai-aq Vilniýstiń Eski qalasy IýNESKO-nyń Búkilálemdik muralary tizimine kiredi.
«Roza Eralievanyń sýretter kórmesin Ýjýpis Respýblikasynda ótkizý biz úshin úlken qurmet. Jalpy alǵanda, litvalyq aýditoriia qazaqstandyq sýretshilerdiń jumysymen tanys bolmaǵan, al osy sýret kórmesi Qazaqstannyń qazirgi óneriniń jarqyn úlgisi bolyp tabylatynyn atap ótkim keledi. Osydan bir jyl buryn Qazaqstan elshiligimen birlesip, qazaq tilinde Ýjýpis Respýblikasy Konstitýtsiiasynyń stendin ashtyq. Aita ketý kerek mátindi jazǵan kezde latyn grafikasy qoldanylǵan. Bizdiń yntymaqtastyǵymyzdy odan ári nyǵaiýyna qýanyshtymyn», - dep málimdedi Ýjýpis Respýblikasynyń Premer-ministri Sakalas Gorodetskis.
Vilniýsten keiin kórme Kaýnas jáne Klaipeda qalalarynda ótedi. Litvadan soń sýretshiniń týyndylary ári qarai Latviianyń Liepaia jáne Riga galereialaryna jiberiledi.
Osylaisha, Qazaqstan kino kúnderi (Vilniýs, Kaýnas, Klaipeda), qazaqstandyq-kanadalyq «Equus: jylqy tarihy» atty derekti filmi, Vilniýs ýniversitetinde ótken «Arqaiym» neo-etno-folklorlyq tobynyń kontserti, sondai-aq kóktemgi jańarý - Naýryz meiramyna arnalǵan saiasi mekemelerge jáne diplomatiialyq korpýsqa uiymdastyrylǵan resmi qabyldaýy jáne Raýza Eralievanyń sýretter jinaǵynyń kórsetilimimen elshiliktiń «Litvadaǵy Qazaqstan kóktemi» barysynda uiymdastyrylǵan mádeni jobasyn aiaqtaidy.
