Seisenbi kúni Parijge kelgen argentinalyq shabýylshy Lionel Messi Býrje áýejaiynan Frantsiia astanasynyń batys shetinde, Noili-siýr-Sen qalasynda ornalasqan amerikandyq aýrýhanaǵa bet aldy. Onda fýtbolshy meditsinalyq tekserýden ótedi, dep habarlaidy BFM telearnasy.
Aldymen Messi otbasymen tek jeke jáne jalǵa alynǵan ushaqtar qabyldanatyn Býrje áýejaiynda boldy. Ol birneshe ret ashyq tereze arqyly óziniń talantyna bas igen jankúierlermen sálemdesti.
Aita ketken jón, Barselonamen birge Messi on ret Ispaniia chempiony atandy. Jeti ret - Ispaniia kýbogynyń, segiz ret - eldiń Sýperkýbogynyń jeńimpazy boldy. Ol tórt ret Chempiondar ligasyn, úsh ret ÝEFA Sýperkýbogyn jáne úsh ret klýbtar arasyndaǵy álem chempionatyn jeńip aldy. Álemdegi jyldyń úzdik oiynshysyna beriletin «altyn dopty» Messi alty ret enshiledi. Bul - rekord.
Argentina quramasynda Messi 151 match ótkizip, onda 76 gol soqty. Ulttyq quramanyń quramynda ol Amerika kýbogyn (2021) jeńip aldy. 2014 jylǵy álem chempionatynda Messi Argentina quramasymen birge finalǵa shyqty.
