Videodan alynǵan kadr
Májilis depýtaty Ardaq Nazarov elimizde LGBT-ny nasihatyn shekteý sharalaryn dereý qolǵa alý máselesin kóterdi, dep habarlaidy QazAqparat.
«Biz ekonomikany retteimiz, saiasatpen ainalysamyz dep júrip, ideologiia máselesin esten shyǵarmaýymyz kerek. Memleket irgesiniń berik bolýy, halyqtyń baiandy ómir súrýi úshin eń aldymen, dál osy ideologiia salasyn retteýimiz qajet. Ony bárińiz bilesiz. Ózderińizge málim, 8 sáýirde Astanada feminister sherýi ótti. Bul kúni turmystyq zorlyq-zombylyqqa qarsy miting bolady degen. Biraq, olai bolmady, jinalǵandar áiel teńdigin aitýdan bastap, sońynda gomoseksýalizmdi nasihattady. Órimdei balalar, arasynda oqýshylar da bar, LGBT jalaýyn jamylyp júr. Jalpy, sońǵy kezde elimizdiń aqparat keńistiginde birjynystyq neke, gomoseksýalizm, jynysty aýystyrý sekildi máseleler erkin nasihattalyp jatyr», - dedi Ardaq Nazarov Premer-Ministrdiń orynbasary Altai Kólginovke saýal joldai otyryp.
Onyń aitýynsha, nasihattaýshylardyń artynda Batystyń halyqaralyq uiymdary tur.
«Eń soraqysy, gei-propoganda qazir Astana men Almaty sekildi iri qalalardyń jekemenshik mektepterinde de óte qarqyndy nasihattalyp jatyr. Muny sondaǵy oqýshylardyń áleýmettik jelidegi paraqshalarynan ashyq ańǵarýǵa bolady. Aýrý batpandap kirip, mysqyldap shyǵady deidi atam qazaq. Ókinishke qarai, biz sol aýrýdy qoǵamǵa juqtyryp aldyq. Bul bálkim ideologiianyń álsizdiginen shyǵar», - deidi ol.
Májilis depýtatynyń málimdeýinshe, elimizde LGBT-ny nasihattaýdy shekteýge qatysty dereý aldyn alý sharalaryn qolǵa alý qajet.
«Qazir meniń osy depýtattyq saýalym jariialanysymen-aq óz qandastarymyz jaǵamnan alatynyn bilip otyrmyn, «toleranttyq», «tózimdilik» degen sózderdi qalqan etip, áleýmettik jelilerde qaralaidy. Osyndai azamattarǵa aitarym, erteń sizdiń ulyńyz kelinniń ornyna eńgezerdei qyztekeni úige ertip kelse, nemese aialap ósirgen qyzyńyz erkekshoramen «otaý quryp» jatsa, tolerantty bolyp batańyzdy beresiz be? Mundai azǵyndyq óz otbasyńyzǵa kelse tózesiz be? LGBT ideologiiasy qazaq halqynyń ǵasyrlar boiy qalyptasqan salt-dástúrin, ulttyq qundylyqtaryn toz-tozyn shyǵarýdy kózdeidi dep bilemin. Al, dástúri men rýhaniiatynan airylǵan ulttyń bolashaǵy joq ekeni aidan anyq. Ult qurysa – memleket qulaidy», - deidi Nazarov.
Sóz sońynda Ardaq Nazarov kelesi usynystardy nazarǵa alýdy surady:
- mitingke kelgen balalardyń ata-analarynan suraý alynsyn,
- barlyq platformalarda, sonyń ishinde áleýmettik jelilerde ulttyq mádenietimizge sáikes kelmeitin filmder men serialdardy kórsetýge jáne nasihattaýǵa tyiym salynsyn,
- teris aǵymdardy nasihattaityn aqparat kózderinen saqtaityn zań normalary jasaqtalyp, Parlamentke qarastyrýǵa engizilsin,
- respýblika kólemindegi oqý oryndarynda ulttyq qundylyqtardy, mádenietti nasihattaý sabaqtary oqytylsyn.
