Qazaqstandyq boksshy Vasilii Levit qoldaý bildirgen qazaqstandyqtarǵa alǵys aitty, - dep habarlaidy Tengrinews.kz.
Levit Instagram jelisindegi paraqshasynda qazaqstandyqtarǵa úndeý jasady.
"Men úshin osyndai qiyn sátte qoldaý men jyly sózder úshin barlyq oqyrmanym men jankúierime alǵys aitqym keledi! Jeńisti kúnderde de, jeńilgen sátte de birge boldyńyzdar! Sport - meniń ómirim. Boksshylarda mynadai bir danalyq bar: súrinbeitin tuiaq bolmaidy.
Bul danalyq sóz óz maqsatyna umtylǵan kez kelgen adamnyń ómirinde qoldanylady. Bir soqqyny ustap turý óte qiyn, biraq osyndai qoldaýdy sezingen kezde bul ómirde jalǵyz emes ekenińdi túsinesiń!", - dep jazdy Levit.
Eske salaiyq, Vasilii Levit Tokio Olimpiadasynda nokaýtpen jeńilgen bolatyn. Levit 91 kelige deiingi salmaqta óner kórsetken. 1/8 finalda ol ispaniialyq Emmanýel Reiespen judyryqtasty. Ekinshi raýndta ispan boksshysy Levitti nokaýtqa túsirdi.
