Halyqaralyq Olimpiada komiteti Levit - Tishenko daýly jekpe-jegine qatysty sońǵy ári naqty sheshim shyǵardy. Uiym prezidenti Tomas Bah AIBA-nyń (Olimpiada boksynyń halyqaralyq assotsiatsiiasy) Lozannadaǵy atqarý komitetiniń otyrysy qorytyndysy boiynsha jumysyn joǵary baǵalady. Bul týraly "Chempionat" habarlady.
HOK Braziliiada ótken 2016 jylǵy Olimpiadada tóreshilerdiń tarapynan jekpe-jek nátijelerin shyǵarýynda jemqorlyq nemese aila-sharǵy jasaý derekteri rastalmaǵanyn málimdep otyr.
"HOK AIBA-nyń túbegeili ózgeris engizý jolyndaǵy ynta-umtylystaryna qoldaý kórsetedi. AIBA jańarý jolynda aitarlyqtai dami tústi. Tereń ózgeris engizý úshin ýaqyt qajet ekenin túsinemiz jáne AIBA-ǵa ýaqyt berip, barlyq qajetti kómekti aiamaimyz", - dedi Bah.
Eske salaiyq, Vasilii Levit 2016 jyly Rioda ótken Olimpiada oiyndarynda kúmis júldeger atanǵan. Keiin bul kezdesý nátijesine narazy bolǵandar kóbeigen. Bul Olimpiada oiyndarynda reseilik boksshy Vladimir Nikitin men irlandiialyq Mail Konlan arasyndaǵy kezdesý de daýmen aiaqtalǵan.
