Foto:instagram.com/ayzhanova_arailym_
Keńes jáne reseilik estrada ánshisi Lev Leshenko Almatydaǵy Halyqqa qyzmet kórsetý ortalyǵyna ne úshin kelgeni belgili boldy, - dep habarlaidy Tengrinews.kz.
Áleýmettik jelide ánshi HQKO-da júrgen sýretter tarady. Qoldanýshylar ártis memlekettik qyzmet túri máseleleri boiynsha kelgenin jazǵan.
Artynsha, Leshenkonyń Almatydaǵy meiramhanalardyń birinde júrgen kezindegi sýretteri tarady.
"Azamattarǵa arnalǵan úkimet" korporatsiiasynyń málimetinshe, Lev Leshenko Medeý aýdanyndaǵy HQKO-ǵa 16 mamyrda kelgen.
"Rasynda, memlekettik qyzmet túri boiynsha keldi. Zań boiynsha kórsetilgen memlekettik qyzmet túri týraly aqparat shekteýli derbes derekterge jatady. Jeke derekterdi taratýǵa sýbektiniń nemese onyń zańdy ókiliniń kelisimi bolǵan jaǵdaida, eger ózge jeke jáne zańdy tulǵalardyń zańdy múddeleri qozǵalmasa ǵana taratýǵa jol beriledi", - dedi vedomstvo baspasóz qyzmetiniń ókilderi.
