Foto: Vesti.kz
Áleýmettik-mádeni damý jáne ǵylym komiteti 2025 jylǵy 11 naýryzda keńeitilgen otyrysynda "Qazaqstan Respýblikasynyń keibir zańnamalyq aktilerine dene shynyqtyrý jáne sport, sondai-aq artyq zańnamalyq reglamentteýdi bolǵyzbaý máseleleri boiynsha ózgerister men tolyqtyrýlar engizý týraly" zań jobasyn qarastyrdy. Otyrysta zań bastamashylary, Senat komiteti depýtattary jáne apparat qyzmetkerleri qatysty, dep habarlaidy Ult.kz.
Bul zań jobasy Qazaqstan Respýblikasy Úkimetiniń 2023 jylǵa arnalǵan zań jobalaý jumystarynyń josparyna sáikes ázirlengen. Onyń basty maqsaty — dene shynyqtyrý jáne sport salasyndaǵy zańnamany jetildirý jáne artyq zańnamalyq reglamentteýdi boldyrmaý.
Zań jobasyndaǵy negizgi jańashyldyqtar:
-
Olimpiadalyq, Paralimpiadalyq, Sýrdlimpiadalyq, Aziialyq jáne Paraaziialyq oiyndar nátijeleri boiynsha basym sport túrlerin anyqtaý.
-
Respýblikalyq jáne óńirlik sport federatsiialarynyń mártebesin ulttyq sport federatsiialaryna ózgertý.
-
Joǵary jetistiktegi sportty, onyń ishinde basym sport túrlerin qarjylandyrýdy birinshi kezekte júzege asyrý.
-
Ulttyq sporttyq meditsina jáne ońaltý uiymynyń qyzmetin zańnyń jeke babynda reglamentteý.
-
Qazaqstan azamattary emes sportshylardy biýdjet qarajaty esebinen qarjylandyrýǵa tyiym salý.
-
Sport federatsiialaryn akkreditteýge qoiylatyn talaptardy belgileý.
-
Akkredittelgen sport federatsiialary úshin dini ekstremizm men terrorizmniń aldyn alý sharalaryn qabyldaý mindetin engizý.
-
Balalar-jasóspirimder sporttyq bilim berý uiymdarynyń jattyqtyrýshylaryna aptasyna 18 saǵattyq oqý júktemesin belgileý.
-
Ýákiletti organnyń memlekettik sport uiymdary basshylaryna rotatsiia júrgizýi.
-
Olimpiadalyq rezervtiń mamandandyrylǵan mektep-internattaryna oqýǵa qabyldaý qaǵidalaryn bekitý.
-
Jergilikti atqarýshy organdarǵa dene shynyqtyrý jáne sport salasyndaǵy nysanaly indikatorlardyń tizbesin bekitý mindeti.
Sonymen qatar, zań jobasy Qazaqstan Respýblikasy Týrizm jáne sport ministrliginiń quzyretin shamadan tys zańnamalyq reglamentteýdi boldyrmaýdy kózdeidi. Bul dene shynyqtyrý jáne sport salasyn retteýdiń normativtik negizin ózektendirýge jáne ulttyq zańnamany odan ári jetildirýge múmkindik beredi.
Parlament Senatynyń turaqty komitetteri zań tujyrymdamasyna qatysty eskertýler men usynystar bildirmedi. Osyǵan orai, Áleýmettik-mádeni damý jáne ǵylym komiteti zań jobasyn Senat otyrysynyń qaraýyna engizýdi jáne ony birinshi oqylymda maquldaýdy usyndy.
