Memleket basshysy Qasym-Jomart Toqaevtyń ókimimen Lázzat Qaltaeva Senat depýtaty bolyp taǵaiyndaldy, - dep habarlaidy "Ult aqparat" Aqorda saityna silteme jasap.

"Memleket basshysynyń Jarlyǵymen Qaltaeva Lázzat Moldabekqyzy Qazaqstan Respýblikasy Parlamenti Senatynyń depýtaty bolyp taǵaiyndaldy", - delingen habarlamada.

Lázzat Qaltaeva 1965 jyldyń 4 aqpanynda Qyzylorda qalasynda dúniege kelgen.

1987 jyldyń maýsym aiynan bastap Frýnze aýdandyq múgedekter qoǵamynda hatshy-referent, odan keiin basshynyń orynbasary retinde qyzmet atqardy.

1990 jyldan bastap 1997 jylǵa deiin «Tumar» JShS-de jáne «Viktoriia» JShS-de marketing injeneri qyzmetinde boldy.

1997 jyldan bastap 2000 jylǵa deiin «DAEKO» JAQ-da, «Dáneker» JAQ-na, «Qazaqstanaýdit» JAQ-da baǵaly qaǵazdarmen mámileler jasaý jónindegi maman boldy.

2001 jyldan bastap osy ýaqytqa deiin - «Shyraq» múgedektigi bar áielder qaýymdastyǵy» QB, «Múgedektigi bar adamdardyń Ortalyq-Aziialyq forýmy» ZTB tóraiymy.

Bilimi joǵary, Kaspii qoǵamdyq ýniversitetin «zańger» mamandyǵy boiynsha támamdaǵan.

Memlekettik marapattary: «QR Táýelsizdigine 20 jyl» mereitoilyq medali, «Qurmet» ordeni.