2020 jyldyń 1 toqsanynda respýblikada profilaktikalyq egýden 1 423 adam bas tartý jaǵdaiy esepke alyndy. Bul týraly Úkimet otyrysynda QR Densaýlyq saqtaý ministriniń mindetin atqarýshy Lázzat Aqtaeva aitty, dep habarlaidy QazAqparat.
«2020 jyldyń 5 aiynda 1 411 647 adam egildi. QR boiynsha vaktsinatsiiamen qamtý egýge jatatyndar sanynyń 92 paiyzyn qurady. Vaktsinatsiialaýmen jetkiliksiz qamtý tótenshe jaǵdai kezinde josparly profilaktikalyq egýler júrgizýdiń toqtatylýyna bailanysty. Qazirgi ýaqytta josparly vaktsinatsiia qaita bastaldy, onyń ishinde tótenshe jaǵdai kezinde ekpe almaǵan balalar egilýde», - dedi ol.
Onyń atap ótýinshe, 2020 jyldyń 1 toqsanynda respýblikada profilaktikalyq egýlerden 1 423 bas tartý esepke alyndy, 2019 jyldyń osyndai kezeńimen salystyrǵanda 13 paiyzǵa óskeni baiqaldy. Bul rette bas tartqan adamdar arasynda egilgender sany 725-ten 309-ǵa deiin 2 ese tómendedi.
«Bas tartý sebepteri boiynsha eń úlken úles salmaq jeke senim boiynsha bas tartýǵa keledi jáne ol jalpy bas tartý sanynyń 52,9 paiyzyn quraidy, dini paiymdaýlar boiynsha – 29, vaktsinaǵa senimsizdik – 11, BAQ-taǵy teris aqparat boiynsha – 6 paiyz. Bas tartqandar arasynda 309 adam egildi», - dedi L.Aqtaeva.
