2020 جىلدىڭ 1 توقسانىندا رەسپۋبليكادا پروفيلاكتيكالىق ەگۋدەن 1 423 ادام باس تارتۋ جاعدايى ەسەپكە الىندى. بۇل تۋرالى ٷكٸمەت وتىرىسىندا قر دەنساۋلىق ساقتاۋ مينيسترٸنٸڭ مٸندەتٸن اتقارۋشى لەززات اقتاەۆا ايتتى, دەپ حابارلايدى قازاقپارات.
«2020 جىلدىڭ 5 ايىندا 1 411 647 ادام ەگٸلدٸ. قر بويىنشا ۆاكتسيناتسييامەن قامتۋ ەگۋگە جاتاتىندار سانىنىڭ 92 پايىزىن قۇرادى. ۆاكتسيناتسييالاۋمەن جەتكٸلٸكسٸز قامتۋ تٶتەنشە جاعداي كەزٸندە جوسپارلى پروفيلاكتيكالىق ەگۋلەر جٷرگٸزۋدٸڭ توقتاتىلۋىنا بايلانىستى. قازٸرگٸ ۋاقىتتا جوسپارلى ۆاكتسيناتسييا قايتا باستالدى, ونىڭ ٸشٸندە تٶتەنشە جاعداي كەزٸندە ەكپە الماعان بالالار ەگٸلۋدە», - دەدٸ ول.
ونىڭ اتاپ ٶتۋٸنشە, 2020 جىلدىڭ 1 توقسانىندا رەسپۋبليكادا پروفيلاكتيكالىق ەگۋلەردەن 1 423 باس تارتۋ ەسەپكە الىندى, 2019 جىلدىڭ وسىنداي كەزەڭٸمەن سالىستىرعاندا 13 پايىزعا ٶسكەنٸ بايقالدى. بۇل رەتتە باس تارتقان ادامدار اراسىندا ەگٸلگەندەر سانى 725-تەن 309-عا دەيٸن 2 ەسە تٶمەندەدٸ.
«باس تارتۋ سەبەپتەرٸ بويىنشا ەڭ ٷلكەن ٷلەس سالماق جەكە سەنٸم بويىنشا باس تارتۋعا كەلەدٸ جەنە ول جالپى باس تارتۋ سانىنىڭ 52,9 پايىزىن قۇرايدى, دٸني پايىمداۋلار بويىنشا – 29, ۆاكتسيناعا سەنٸمسٸزدٸك – 11, باق-تاعى تەرٸس اقپارات بويىنشا – 6 پايىز. باس تارتقاندار اراسىندا 309 ادام ەگٸلدٸ», - دەدٸ ل.اقتاەۆا.
