Eń bastysy tálipter óz ýádesin oryndaýy kerek. Bul týraly Resei Syrtqy ister ministri Sergei Lavrov aitty, dep habarlaidy QazAqparat.
«NATO-lyqtardyń merziminen buryn ketip qalýy aýǵan qarama-qaishylyǵyn odan ary ýshyqtyryp jiberdi. Elde óte kóp qarý-jaraq pen áskeri tehnika qalyp otyr. Al olardyń destrýktivti maqsatta qoldanylmaýy óte mańyzdy. Tálipter esirtki trafigimen jáne lańkestikpen kúresýge nietti ekenin, kórshi memleketterde turaqsyzdyqtyń oryn alýyna sebepker bolmaitynyn, inkliýzivti Úkimet qurýǵa tyrysatynyn málimdedi. Eń bastysy osy ýádelerdiń oryndalýy», - dedi Sergei Lavrov AÓISShK Syrtqy ister ministrleriniń 6-kezdesýinde.
Buǵan deiin AÓISShK hatshylyǵynyń atqarýshy direktory Qairat Sarybai kezdesýge kelgen delegatsiia basshylary Aýǵanstandaǵy ahýal ózderin qatty alańdatatyndyǵyn aitqandyǵyn habarlaǵan edik.
«Kóshpeli kezeń qalai tezirek aiaqtalsa, Aýǵanstan soǵurlym jyldam óńiraralyq protsesterge, ózara bailanys protsesterine qosylady. Sol arqyly eldiń órkendeý jolyna túskendigin erterek atap ótýge múmkindik týady», - dedi Qairat Sarybai.
