Budan bylai laýazymdy tulǵalar bir qyzmetti segiz jyldan artyq atqara almaidy. 2021 jyldyń 1 qańtarynan bastap qoldanysqa engiziletin qaǵida talaptaryna saiasi qyzmetshilerdiń de rotatsiiasy engizilip otyr. Bul týraly búgin Óńirlik kommýnikatsiialar qyzmetinde ótken brifingide QR Memlekettik qyzmet isteri agenttiginiń Túrkistan oblysy boiynsha departament basshysynyń orynbasary Erlan Ermahanbetov málim etti, dep habarlaidy "Ult aqparat".
Onyń sózinshe, saiasi jáne «A» korpýsynyń qyzmetshileri óz laýazymdaryna taǵaiyndalǵan kúninen bastap tórt jyldan keiin rotatsiialaýǵa jatady.
«Bul rette, ýákiletti adamnyń (organnyń) sheshimi boiynsha memlekettik saiasi qyzmetshiniń atqaratyn laýazymynda bolý merzimi eki jylǵa uzartylýy múmkin. Odan ári osy memlekettik saiasi qyzmetshiniń atqaratyn laýazymynda bolý merzimin QR Prezidenti janyndaǵy Kadr saiasaty jónindegi ulttyq komissiianyń sheshimimen taǵy eki jylǵa uzartýǵa jol beriledi. Iaǵni, saiasi jáne «A» korpýsynyń qyzmetshisi bir laýazymdy jalpy alǵanda segiz jyldan artyq atqara almaidy. Aita ketsem, qazirgi tańda Túrkistan oblysynda qyzmettegi 6603 memlekettik qyzmetshiniń 22-i saiasi, 1 qyzmetshi «A» korpýsynyń qyzmetshisin quraidy», – dedi E.Ermahanbetov.
Sondai-aq, 1 qańtardan bastap ártúrli óńirde, respýblikalyq mańyzy bar qalalarda jumys isteitin oblys ákimdiginiń basqarma basshylaryn bir-biriniń ornyna taǵaiyndaýǵa ruqsat beriledi. Bul rette, «B» korpýsynyń qyzmetshisi óz laýazymyna taǵaiyndalǵan kúninen bastap úsh jyldan keiin rotatsiialanady. Keiin, qyzmetshiniń laýazymynda bolý merzimin Ulttyq komissiianyń sheshimimen odan ári eki jylǵa uzartýǵa jol beriledi. Aita keteriligi, QR Prezidenti janyndaǵy Memlekettik basqarý akademiiasy men «Bolashaq» baǵdarlamasy túlekteriniń sany ótken jyldyń osy kezeńimen salystyrǵanda 18% artqan.
Sondai-aq, jiynǵa qatysqan QR Prezidenti janyndaǵy Memlekettik basqarý akademiiasynyń Túrkistan oblystyq filialynyń direktory Janat Momynqulov memlekettik qyzmetshilerdiń biliktiligin arttyrý boiynsha atqarylǵan jumystardy baiandady.
«Biyl Akademiianyń oblystyq filialy Túrkistan oblys ákimdigi jáne QR Memlekettik qyzmet isteri agenttigi departamentiniń qoldaýymen 1532 memlekettik qyzmetshini oqytty. Olar biliktilikterin arttyryp, qaita daiarlaý kýrstarynan ótken», – dedi J.Momynqulov.
