Astanada 2018-2019 oqý jyly qarsańynda baspasóz máslihatyn ótkizgen QR Bilim jáne ǵylym ministri Erlan Saǵadiev mektepke deiingi balalardy balabaqshamen qamtamasyz etý boiynsha atqarylyp jatqan ister týraly aitty, dep habarlaidy Baq.kz aqparat agenttigi.
Onyń aitýyna qaraǵanda, memlekettik–jekemenshik áriptestik osy deńgeide eń jaqsy damyǵan.
"Jekemenshik balabaqshalar úlesi 30%-dan asty. Al 3-6 jastaǵy balalardy balabaqshamen qamtýdy 93%-ǵa jetkizdik. «Balapan» baǵdarlamasy arqyly balabaqshalardaǵy jalpy oryn sany halyqtyń suranysynan asty. Biraq bul respýblika boiynsha. Aimaqtarda disbalans bar. Ol migratsiiaǵa bailanysty. Iri qalalarda, ásirese Almaty men Astanada balabaqshanyń jetispeýshiligi joǵary deńgeide" - deidi ministr.
Sonymen qatar, ol balabaqshaǵa tirkelý máselesin elektrondy túrde júrgizýge kóshý kerektigin aitty.
"Taǵy bir mańyzdy jumys – balabaqshaǵa kezekke turý men joldama berýdi tolyǵymen elektrondy formatqa aýystyrý. Sonda kezek jariia túrde jáne tez jyljityn bolady" - deidi ol.
Ministr 0-shi synyptardyń oqýshylary men ustazdaryn daiarlaý máselesi týraly aitty.
"Kelesi jyldan bastap 0-shi synyp tárbieshileri men muǵalimderdi daiyndaýǵa kirisemiz. Latynsha «Álippe» jáne kirilitsada «Býkvar» bazalyq oqýlyqtaryn daiyndaý jumysy júrip jatyr. Oqýlyqtar 2020-2021 oqý jylyna daiyn bolady" - deidi Erlan Saǵadiev.
