Koronavirýs infektsiiasynyń taralýyna bailanysty Qazaqstannyń Meksikadaǵy elshiligi Latyn Amerikasy men Karib basseini elderinen otandastarymyzdyń elge oralýyna kómek kórsetti, dep habarlaidy QazAqparat QR SIM resmi ókili Aibek Smadiiarovqa silteme jasap.
Osylaisha, 13-25 naýryz aralyǵynda 127 qazaqstandyq Dominikan Respýblikasynan, 4-i Meksikadan, 3-i Panamadan jáne 3-i Kosta-Rikadan oralǵan.
«Atalǵan memleketter halyqaralyq áýe qatynastardy toqtatý men shetel azamattaryna halyqaralyq áýejailardaǵy tranzittik aimaqtardan shyǵýǵa tyiym salýlaryna bailanysty birqatar qiyndyqtar oryn alǵan bolatyn. Osy kedergilerge qaramastan Mehiko men Máskeýdegi bizdiń diplomattarymyzdyń úilesimdi áreketteriniń arqasynda kóptegen QR azamattaryn Máskeý arqyly tranzitpen Qazaqstanǵa aman-esen jetkizý jumysy sátti uiymdastyryldy», - dep habarlaidy Aibek Smadiiarov.
Qaityp oralǵan azamattar Meksikadaǵy Qazaqstan elshiliginiń qyzmetkerlerine olardyń máselelerin jáne týyndaǵan qiyndyqtardy sheshýde táýlik boiy kómek kórsetkeni úshin úlken alǵys bildirýde.
