Sársenbi Braziliianyń Densaýlyq saqtaý ministrligi koronavirýstyń jańa túrin (COVID-19) juqtyrǵan alǵashqy jaǵdaidy rastady, dep habarlaidy Agencia Brasil agenttigi.
Latyn Amerikasynda koronavirýsty alǵash juqtyrǵan braziialiialyq San-Paýlý qalasynyń 61 jastaǵy turǵyny. Agenttiktiń málimetinshe, ol aqpannyń 9-21 aralyǵynda Italiianyń soltústigindegi Lombardiiada bolǵan. Ótken juma kúni sapardan elge oralǵannan keiin odan koronavirýs belgileri anyqtalǵan. Atap aitsaq, dene qyzýy kóterilgen, qurǵaq jótel, tamaǵy aýyryp, tumaý bolǵan. San-Paýlý aýrýhanasynda birqatar testiler tapsyrǵannan keiin, nátijesi virýstyń bar ekenin rastaǵan.
Baspasóz konferentsiiasy barysynda Braziliianyń Densaýlyq saqtaý ministri Lýis Enrike Mandetta patsient ózin jaqsy sezinetinin, úiinde bolatynyn habarlady. Ol virýstyń jazda tropikalyq elde qalai ótetinin bilik baqylap otyratynyn aitty. Mandetta sondai-aq elde virýstyń taralýyn tejeý sharalary týraly málim etti.
Sársenbi kúni keshke Finliandiiada koronavirýs juqtyrýdyń alǵashqy jaǵdaiy týraly jariialandy. Helsinki Times-tyń habarlaýynsha, Finliandiia turǵyny jaqynda Italiianyń soltústigine jasaǵan saparynyń nátijesinde koronavirýs juqtyrǵan.
Naýqas Milannan Helsinkige jeksenbide oralǵan, sodan beri tek eki adammen sóilesken. Dárigerler olarmen bailanysqa shyqty, biraq ázirge ekeýinde de virýstyń belgisi joq.
Helsinki aýrýhanasy janyndaǵy ýniversitettiniń málimetinshe, atalmysh jaǵdaida virýs juqtyrý qaýpi óte tómen ekeni jáne baqylaýda ekeni belgili boldy.
Koronavirýs Eýropaǵa birtindep kelip jatyr. Alǵashqy infektsiia juqtyrý jaǵdailary Aýstriia men Horvatiiada, Norvegiiada, Rýmyniiada tirkelgen. Germaniia turǵynynyń COVID-2019 koronavirýs juqtyrǵany anyqtaldy.
Eýropada eń alańdatarlyq jaǵdai Italiiada bolyp otyr, onda 11 adam COVID-2019 virýsynan kóz jumǵan.
