Bul týraly Astanada Qazaqstan Respýblikasynyń Tuńǵysh Prezidenti – Elbasynyń qory men Memlekettik tildi damytý qorynyń uiymdastyrýymen ótken «Jańa álipbi - jańǵyrý joly» atty dóńgelek ústelde QR MSM Tilderdi damytý jáne qoǵamdyq-saiasi jumys komiteti tóraǵasynyń orynbasary Ǵalymjan Meldeshov aitty, dep habarlaidy "Ult aqparat" Baq.kz aqparattyq agenttigine silteme jasap.
Lingvister, latynǵa kóshý boiynsha arnaiy jumys tobynyń jumys istegenin aitqan Ǵalymjan Meldeshov endigi kezekte Úkimet tarapynan qandai is-sharalar jasalatynyna toqtaldy.
«Qazir memlekettik tildi latyn grafikasyna kóshirý jónindegi jumysshy toby jumys istep jatyr. Onyń basshysy – Erbolat Dosaev. Bul máselege bei-jai qarap otyrǵan eshkim joq. Búkil memlekettik organdar túgel qatysyp otyr. Ol – BǴM, ol – Ádilet ministrligi, ol – negizgi úilestirýshi MSM jáne basqa da memlekettik organdar tegis qatysyp otyr» - dedi Ǵalymjan Meldeshov.
Sonymen qatar ol latyn álipbiine kóshýdiń kezeń-kezeńimen qalai júzege asatynyna toqtaldy.
«Biz bul jumystyń júzege asýyn úsh kezeńge bóldik. 2018-2020 jyldar - alǵashqy kezeńi. Bul kezeń normativtik-quqyqtyq bazany jetildirý jónindegi is-sharalar atqarylady. Ekinshi kezeń - 2021-2023 jyldar aralyǵy. Bul kezeńde infrastrýktýrany jasaý jónindegi sharalardy júzege asyrý jumystary júrgiziledi. Úshinshi kezeń – 2024-2025 jyldar – uiymdastyrýshylyq jumystardy atqarý kezeńi. Biraq bul – joba. Qatyp qalǵan, osymen ǵana jasalýy kerek degen sóz emes» - deidi Ǵalymjan Meldeshov.
Budan bólek ol osy latynǵa kóshý boiynsha Ulttyq komissiianyń quramy qashan bekitiletinin aitty.
«14, ne bolmasa 16 qarasha kúnderiniń birinde Jumys tobynyń kezekti otyrysy ótip, sol jerde osy jumys boiynsha Ulttyq komissiianyń quramy bekitiletin bolady. Ol komissiianyń quramynda barlyq memlekettik organ ókilderi, laýazymdy tulǵalar, til janashyrlary bolady» - dedi ol.
Esterińizde bolsa, 27 qazan kúni Elbasy latyn álipbiine kóshý boiynsha qol qoiǵan Jarlyqta Ulttyq komissiia qurý týraly aitylǵan bolatyn.
