«Biz latyn álipbiine kóshpeimiz, oralyp jatyrmyz». QR Parlamenti Májilisiniń depýtaty Gennadii Shipovskih jalpyulttyq diktant barysynda osyndai pikir bildirdi, dep habarlaidy "Ult aqparat".
«Latyn álipbiine kóshýdiń tereń maǵynasy bar. Ǵylymi-innovatsiialyq jańǵyrý júrip jatqan internet dáýirinde álemdik aǵymnan qalmaýymyz kerek. Latyn álipbiiniń basty artyqshylyǵy osynda. Biz búgingi tańda latyn álipbiine kóshpeimiz, biz latyn álipbiine oralamyz. Óitkeni, sonaý tarihi derekterge súienetin bolsaq, 1929 jyldan bastap 1940 jylǵa deiin el aýmaǵynda latyn álipbii qoldanylǵanyn jaqsy bilesizder. Búgin sol ótkenniń esesin qaitarýǵa yńǵaily kezeń týyp otyr. Biz buǵan uzaq jol júrip keldik. Qazir latyn álipbiine aýysý qarqyndy júrýde. Osy protsess nátijeli jalǵasyp, óz jemisin beredi degen senim bar. Parlament qabyrǵasynda áriptesterimmen latyn álipbiine qatysty áńgime bola qalǵan kezde depýtattardyń barlyǵy oń kózben qaraitynyn baiqap júrmin. Latyn álipbii onsyz da bizdiń ómirizge dendep enip ketken. Avtokólik nómirinen bastap kóshedegi jarnamaǵa deiin bizdiń kózimizdi latyn álipbiine úiretip jatyr. Sondyqtan, ony meńgerý qazaqstandyqtar úshin qiynǵa soqpaýy kerek», - dedi depýtat.
Eske salsaq, búgin 180 myń qazaqstandyq bir mezette latyn álipbiinen diktant jazdy.
