Latviiada taýraýshannyń jańa sortyna qazaqstandyq tanymal ánshi Dimash Qudaibergen esimi berildi, dep habarlaidy "Ult aqparat".
«Álemdegi jalǵyz «Dimash Qudaibergen» endi Latviiada turatyn boldy! Búgin taýraýshanǵa (rododendron) tájiribe júrgizetin «Babīte» tálimbaǵynan latviialyq sertifikat aldyq. Endi 2020 jyldyń 24 mamyrynan bastap, Jer planetasynda «Dimash Qudaibergen» atty jańa taýraýshan sorty bar. Bir jyldan keiin Dimashtyń kelesi týǵan kúninde Angliianyń koroldik baý-baqsha qoǵamdastyǵynyń taýraýshan boiynsha halyqaralyq sertifikaty alynady dep úmittenemiz», - dep jazylǵan Dimashtyń latviialyq jankúierler klýbynyń Instagram paraqshasynda.
Jankúierler klýbynyń habarlaýynsha, ázirge bul túp shynynda da álem boiynsha jalǵyz, sondyqtan ol «Babīte» taýraýshandar saiabaǵynyń basty alleiasyna otyrǵyzylady jáne sorttyń kimge arnalǵandyǵy týraly arnaiy taqtaisha qoiylady.
«Biraz ýaqyttan soń tálimbaqtan onyń kóshetterin alýǵa bolady. 5-7 jylda kishkentai kóshet kórkem túp aǵashqa ainalady. Onyń biiktigi 2-3 metrge deiin jetedi jáne 200 jylǵa jýyq ómir súredi. Dimashqa da taýraýshandy syiǵa tartamyz dep úmittenemiz! Oǵan da taýraýshan sekildi uzaq shyǵarmashylyq ǵumyr tileimiz! Jańa sort ta Dimashtyń ánderi sekildi árbir elde bolsyn!», - deidi jankúierler.
