Latviia politsiiasy Qazaqstan azamaty Asylbek Mýsinge qatysty qylmystyq isti japty, dep habarlaidy "Ult aqparat" SIM baspasóz qyzmetine silteme jasap.
«Latviianyń politsiiasy habarlaǵandai, oqiǵada qylmys belgileri tirkelmegendikten, is jabylǵan», - dedi SIM baspasóz qyzmetindegiler.
Eske salaiyq, byltyr 27 jeltoqsanda Latviia astanasy Rigada Qazaqstan Prezidenti Ákimshiliginiń eks-jetekshisi Aslan Mýsinniń uly - Asylbek Mýsinniń qaitys bolǵany habarlanǵan bolatyn. Oqiǵa 22-nen 23 jeltoqsanǵa qaraǵan túni bolǵan. Is 22 jeltoqsan saǵat 23:42-de politsiiada tirkeldi. Politseilerdiń aqparaty boiynsha, marqum 15-qabattan qulaǵan. Asylbek Mýsin Qazaqstan elshiliginiń konsýldyq tirkeýinde bolmaǵan. Kei málimetter boiynsha, onyń elde turýyna yqtiiar haty bolǵan.
