Memleket lańkestik belsendilik joǵary aimaqtardan kelgen balalarǵa kepildendirilgen kómek kórsetedi. Bul týraly QR Bilim jáne ǵylym ministri Ashat Aimaǵambetov aitty, dep habarlaidy QazAqparat.
Sonymen qatar ministrliktiń lańkestik belsendilik joǵary aimaqtardan kelgen balalardy ońaltýǵa baǵyttalǵan sharalardy úilestirý jáne atalǵan sanattaǵy balalarǵa memlekettiń kepildendirilgen kómegin kórsetý úshin olardy ómirlik qiyn jaǵdaida qalǵan tulǵalarǵa jatqyzý quzireti keńeitiledi.
«Ózderińiz de bilesizder, «Jýsan» operatsiiasy barysynda Qazaqstanǵa óte kóp bala jetkizilgen bolatyn. Olarǵa ońaltý kómegi asa qajet. Munyń barlyǵy da qarastyrylady», - dedi ministr Senat depýtattaryna «Pedagog mártebesi týraly» zań jobasyn tanystyrý barysynda.
«Jýsan» gýmanitarlyq operatsiiasy - aýqymdy aktsiia. Bul bastamany Tuńǵysh Prezident - Elbasy Nursultan Nazarbaev usyndy. 2018 jyldan beri júzege asyrylyp keledi. Siriiadan qazaqstandyqtardyń alǵashqy legi biylǵy 6 qańtarda elge jetkizilgen bolatyn. 7-9 mamyr kúnderi atalmysh elden Qazaqstannyń taǵy 231 azamaty oraldy. Keshendi sharalar nátijesinde qaqtyǵys aimaǵynan elimizge jalpy 357 bala qaitaryldy. 28-31 mamyrda «Jýsan» arnaiy gýmanitarlyq aktsiiasynyń sońǵy kezeńi ótkizilgen edi.
